Tushimpi 8:34 - Baibo Busansulushi Bwa Libuku Ili

³⁴ Ulicite coolwe muntu uyo unyumfwila, muntu uyo ulindilila paminjililo yangu nshiiku shoonse, ee, ulindilila pamilyango iya muŋanda yangu.

Tushimpi 8:34 ပူးပေါင်းရင်းမြစ်များ

1 Baami 10:8

Balicite coolwe abuumbi bantu abasebenshi banu abo bekalabo muliimfwa lyanu lyoonse kabanyumfwa kwaamba kwanu kwabusongo!

Kulumbaisha 27:4

Ndasenga cintu comwi kuMwaami Lesa. Cintu comwi ico nceensenga ncakwaamba ayi nookala muŊanda yakwe kwabuumi bwangu boonse, kwaamba ayi noosangalala pabubotu bwakwe akunoomulambila muŊanda yakwe isalalite.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Kulumbaisha 92:13

Bali anga nshisamu shishangitwe muŊanda ya Mwaami Lesa. Ncakwiila shilakula kabotu mulubansa lwa Ŋanda yakwe Lesa wesu.

Kulonga 12:7

Balyeelete kubwesa bulowa bumwi akunanika kushisamu shobilo sha kumilyango alimwi apeculu lya milyango ya mumaanda umo mweshi bakanoolita nyama.

Tushimpi 1:21

Butokoolobesha pamampambaanwa a mikwakwa alimwi apaminjililo ya ndabala.

Tushimpi 3:13

Ulicite coolwe muntu uyo ucana busongo ee, muntu uba amaano akunyumfwisha shintu.

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Mateyo 7:24

“Aboobo uyo woonse unyumfwa maswi angu aya akwaacita, uli anga ngumuntu ucite maano wakayakila ŋanda yakwe palibwe.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Luka 10:39

Malita wakalinga kucite mukwabo mwanakashi wiitwa ayi Maliya, uyo wakekala pafwaafwi aMwaami Jesu, kaakutika kwiisha kwakwe.

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Milimo ya Batumwi 2:42

Ciindi coonse bantu aba bakalinga kubungana pantu pomwi ayi batumwi babeeishe. Bakalinga kwikala mubwanabwankashi akulita pantu pomwi alimwi akupaila.