Tushimpi 8:21 - Baibo Busansulushi Bwa Libuku Ili

²¹ Ndaya bupa bubile kuli baabo bansuni akuya bususha maanda akusungilamo buboni.

Tushimpi 8:21 ပူးပေါင်းရင်းမြစ်များ

Matalikilo 15:14

Sombi ndaakutondesha bukali kucishi ico ceshi cikabatole busha. Pakuswaako kucishi uko balaakubwesa buboni buunji abuumbi.

Kulumbaisha 16:11

Mwebo mwakanshibisha nshila shitola kubuumi, alimwi ceebo mwebo muli anebo, ndasangalala abuumbi, ncakwiila kusangalala kutamaani muliimfwa lyanu.

Tushimpi 1:13

Lyalo tulaakuba abuboni buunji akususha maandeesu ashintu nsheshi tukasaale.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Tushimpi 21:20

Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.

Tushimpi 24:4

Ucite lushibo ulasusha shipinda sha njiyo abuboni butabonekiboneki bwamakwebo alimwi bubotu.

Tushimpi 6:31

Nakubi boobo na wacatwa, ulalipilishikwa ico ncaaipa kucifusha mankanda osanwe aobilo, nabi cilaamba ayi nkulipila buboni boonse bwa muŋanda yakwe.

Tushimpi 8:18

Ndime nengesha bantu kubila akuba abulemu. Ee, ndime mbalengesha kuba abuboni akuswitilila.

Tushimpi 8:20

Ndakonkela nshila shiluleme, nshipambuki munshila shakoombolosha kululeme.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Bene Loma 8:17

Ono mbotuli bana bakwe Lesa tulaakuba acoolwe kwiinda mukutambula shintu nshaabambila bantu bakwe. Peculu lya waawo tulaakupekwa pantu pomwi aKlistu isho nshaamubambila Lesa. Ono na twapenshekwa mbuli mbwaakapenshekwa Klistu, swebo tulaakutambula bulemu bweenka mbwaacite.

Bene Ebulu 10:34

Mwakoongumana pantu pomwi abaabo bakalinga bakaili alimwi beendeleshi ndibakamunyaya shintu shanu, mwakalinga kusangaletebo mukwiinga mwakalinga kwishi ayi mulicite shintu shiindaawo kubota alimwi shitamaani.

1 Pita 1:4

Alimwi tutoolangila ayi tukatambule shipo isho Lesa nshaakabambila bantu bakwe. Utoomubambila kabotu kwiculu, uko nkweshi shikabule kubola, kunyonyooka nabi kubunda.

Ciyubululo 21:7

Uyo woonse eshi akakome, ulaakutambula cipo ici kuswa kuli ndime. Ndaakuba Lesa wakwe, alakwe ulaakuba mwanaangu.

1 Samwelo 2:8

Ulasumpula bakandu kuswabo kwiine kumiyanda, ulakusha bakandu kuswa mubuumba bwabo. Ulabalengesha kwikala mubwanabwankashi abanaabaami akubalengesha kuba mumisena ya bulemu. Lwiimbi loonse lwa nsengwe ndwa Mwaami Lesa, pali ndulo mpaakayaka cishi ca panshi.