Tushimpi 8:11 - Baibo Busansulushi Bwa Libuku Ili

¹¹ “Nebo nebusongo nsheeleneewo amabwe amakwebo eetwa ayi lubi. Taakuuwo nabi comwi nceenga wasunisha ceenga ceenda ndime.

Tushimpi 8:11 ပူးပေါင်းရင်းမြစ်များ

Kulumbaisha 119:103

Maswi anu alicite mise abuumbi mumulomo wangu, ncakwiila alicite mise kwiinda buuci.

Kulumbaisha 119:127

Nebo milawo yanu ndiisuni kwiinda golodi, ee, ndiisuni kwiinda golodi wiine wiine.

Kulumbaisha 119:72

Mulawo ngomwakampa ngubotu kwiinda kupekwa shuulu sha golodi asilifa.

Kulumbaisha 19:10

Kulayandika kwiinda golodi, ncakwiila golodi wiine wiine. Kulicite mise kwiinda buuci, ee, kwiinda mulolo uswa kumpuma.

Tushimpi 16:16

Kuba abusongo ncintu cibotu abuumbi kwiinda kuba agolodi. Ncintu cibotu kuba amaano akunyumfwisha shintu kwiinda kuba asilifa.

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.

Tushimpi 31:10

Nciyumu kucana mwanakashi ucite mibo ibotu. Mwanakashi weelete uleenda mabwe amakwebo eetwa ayi lubi.

Shikushimikila 7:11

Busongo mbubotu anga mbuboni bwakupyana mukwiinga bulacafwa baabo bacili boomi.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Dutolonomi 30:13

Nabi kuba kwitala lya lweenge nkweenga kamwiipusha ayi, ‘Ngani eshi asubukile kwitala mukutuletela, tunyumfwe mbowaamba akuukonkela?’