Tushimpi 7:7 - Baibo Busansulushi Bwa Libuku Ili

⁷ Mpeeke ndakabona basankwa baanji bataaku ncebeshi, sombi ndakalabilila cikula bwangu womwi utacite maano.

Tushimpi 7:7 ပူးပေါင်းရင်းမြစ်များ

Jobo 24:15

Shibulale ulalindila muntungulya. Ulayeeya ayi, ‘Taakuuwo weshi amboone.’ Ncakwiila ulashisa ciwa cakwe.

Kulumbaisha 119:130

Kupandulula maswi anu kulapa mumuni, kulapa busongo kuli baabo batabucite.

Kulumbaisha 19:7

Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Tushimpi 1:4

Tulapa maano bantu bataaku mbobabete, akupa bacikula bwangu lushibo lwakucita shintu sheelete.

Tushimpi 10:13

Muntu musongo ulaamba shintu sha maano, sombi musako ngwakukwipishako muntu muluya.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Tushimpi 14:15

Muluya ulashoma shoonse nsheenga wanyumfwa, sombi muntu ucenjete ulataanguna kuyeeya ncaaelete kucita.

Tushimpi 14:18

Baluya balapekwa shintu kweelana abuluya bwabo, sombi basongo cilambu cabo ndushibo.

Tushimpi 19:2

Teshi cibotu kusongomana omuntu nootacite lushibo, nabi kucita shintu cakwiingana wamana waluba.

Tushimpi 19:25

Uma shikucelebula kwaamba ayi baluya bacenjeleewo. Kalalila muntu ucite maano akunyumfwisha shintu, ulaakuba alushibo.

Tushimpi 22:3

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Tushimpi 24:30

Ndakeenda kumuunda wa mutolo, muunda wa minyansa wa muntu utacite maano.

Tushimpi 27:12

Muntu ucenjete ulabona mapensho ali kunembo akwaayuba, sombi muluya ulaya mukulinjishamobo akupengelaamo.

Tushimpi 5:1

Omwanaangu, teya kutwi kubusongo bwangu. Kutika maswi angu aswa mumaano angu akunyumfwisha shintu.

Tushimpi 6:20

Omwanaangu, kokutika shitookufunda baiso, akutanyansha shitokwiisha banyoko.

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Tushimpi 8:5

Mwebo nobaluya, amube atulango, ee, amube amaano akunyumfwisha shintu.

Tushimpi 9:16

Ulabaambila ayi, “Kamwisa noonse nomutacite maano.” Ee, kubaluya ulaamba ayi,

Tushimpi 9:4

Bwakaamba ayi, “Kamwisa noonse nomutacite maano.” Ee, kubaluya bwakaamba ayi,

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Mateyo 15:16

Mpeeke Jesu wakabeepusha ayi, “Anu amwebo abobulya tamunyumfwishi?