Tushimpi 6:3 - Baibo Busansulushi Bwa Libuku Ili

³ Ono omwanaangu ubo ingayi uli mumaansa ashikamukobonyoko. Anu mbooelete kucita kwaamba ayi waanguluke mbulya. Fwambaana uye kuli nguwe ukaliboombye akumukombelela ayi akwaangulule.

Tushimpi 6:3 ပူးပေါင်းရင်းမြစ်များ

2 Samwelo 24:14

Mpomunyaawo Defedi wakaamba ayi, “Nebo ndi mumapensho anene abuumbi. Ono inga cabota kwaabwa mumaansa a Mwaami Lesa mukwiinga ngushinkumbu, kwiinda kwaabwa mumaansa a bantu.”

2 Makani 12:5

Lyalo Shemaya mulaluki wakaya kuli Leoboamu akubamatanjilili ba bene Juda abo bakabungana muJelusalemu ceebo cakuloonda Shishaki. Mpeeke wakabaambila ayi, “Mwaami Lesa waamba ayi, ‘Mwanshiiya, aboobo anebo ntoomushiya mukumwaaba kuli Shishaki.’ ”

2 Makani 36:12

Alakwe wakabishisha Mwaami Lesa alimwi taakwe kunyumfwila Jelemiya mulaluki uyo wakaamba maswi a Mwaami Lesa.

Kulumbaisha 31:8

Amubone, tamukwe kungabaawo mumaansa a balwani bangu, sombi mwakampa lwaanguluko kwaamba ayi nje kuli koonse nkoosuni.

Kulonga 10:3

Aboobo Mose aAloni bakaya kumwaami Falawo mukumulwiita ayi, “Mwaami Lesa, Lesa wa bene Ebulu waamba ayi, ‘Nciindi cilaamfu buyani nceshi ukake kunyumfwila ndime? Leka bantu bangu baye bakanambile.

Tushimpi 6:2

Sa maswi ngowakaamba aba koose kuli ndiwe? Sa waangwa kukushomesha kwako omwiine?

Tushimpi 6:4

Utalisuminishi kwaamba ayi woone, ee, kutalisuminisha kwikala ayi ookeshe.

Jemusi 4:10

Amuliceeshe pameenso a Mwaami Lesa, lakwe ulaakumusumpula.