Tushimpi 6:16 - Baibo Busansulushi Bwa Libuku Ili

¹⁶ Kuli shintu shosanwe acomwi Mwaami Lesa nshaapatite nabibo shosanwe ashobilo isho shimufundoosha kumoyo.

Tushimpi 6:16 ပူးပေါင်းရင်းမြစ်များ

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Tushimpi 11:1

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 11:20

Mwaami Lesa ulipatite bacite miyeeyo ya bubi, sombi ulasangalalila mubaabo batacite tumpenda.

Tushimpi 12:22

Mwaami Lesa ulipatite milomo ibeca, sombi ulasangalalila mubantu baamba shalushinisho.

Tushimpi 17:15

Kulekabo muntu ucite mulandu nabi kupa mulandu muntu utacite kampenda, nshikani shobilo isho Lesa nshaapatite.

Tushimpi 20:10

Shipimo shakubeca amabwe akupimisha anyengelela, Mwaami Lesa ulishipatite shoonse.

Tushimpi 20:23

Mwaami Lesa ulipatite shipimo shabubeshi, sombi shipimo shalushinisho shilamukondelesha.

Tushimpi 21:4

Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 3:32

Ceebo Mwaami Lesa ulipatite muntu utaluleme, sombi balo baluleme ulanyumfwanaabo.

Tushimpi 30:18

“Kuli shintu shotatwe shinkankamika abuumbi, nabibo shone nsheentanyumfwishi.

Tushimpi 30:21

“Kuli shintu shotatwe cishi ca panshi ncecitutuma nabibo shone shitakoonshi kucitika pali ncico.

Tushimpi 30:24

“Kuli shilengwa shone mucishi shiniini sombi shilicenjete abuumbi.

Tushimpi 30:29

“Kuli shintu shotatwe shikondelesha kweenda, nabibo shone sheenda cakantingeelile.

Tushimpi 6:15

Aboobo balo mapensho alaakubapulumukilabo akubanyonyoola cakwaamba ayi kulaakubula aubafuna.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Jelemiya 26:15

Sombi ncemweelete kwishiba ncakwaamba ayi na muncaaye, ingayi mutooliletela mulandu wakucaya muntu utacite mulandu akuuleta pandabala ino apabantu bekalaamo. Ceebo kwaambabo lushinisho, Mwaami Lesa ngowantuma ayi nse ŋambe maswi aya oonse kamunyumfwite.”

Amosi 1:11

Mwaami Lesa waamba ayi, “Bene Edomu bakalinga kubisha lyobilo lyobilo, aboobo ndushinisho ndaakubapa mulandu. Bakatandaanya bamakwababo, bene Isilaeli amupeeni cakubula kubanyumfwila nkumbu. Bukali bwabo bwakafula, ee, bwakafula cakwaamba ayi bakaalilwa kulicata.

Amosi 1:3

Mwaami Lesa waamba ayi, “Bene Damasikasi bakalinga kubisha lyobilo lyobilo, aboobo ndushinisho ndaakubapa mulandu. Bakacita shintu shalunkutwe kubene Gilyadi.

Amosi 1:6

Mwaami Lesa waamba ayi, “Bene Gasa bakalinga kubisha lyobilo lyobilo, aboobo ndushinisho ndaakubapa mulandu. Bakatola busha mishobo yoonse ya bantu akuya mukuboolisha kubene Edomu.

Amosi 1:9

Mwaami Lesa waamba ayi, “Bene Taya bakalinga kubisha lyobilo lyobilo, aboobo ndushinisho ndaakubapa mulandu. Bakoolisha mishobo ya bantu yoonse mubusha kubene Edomu. Ncakwiila tabakwe kuyeeyawo cipangano cakunyumfwana.

Amosi 2:1

Mwaami Lesa waamba ayi, “Bene Moabu bakalinga kubisha lyobilo lyobilo, aboobo ndushinisho ndaakubapa mulandu. Balo bakanyansha mafuwa a mwaami wa bene Edomu mukwaatenta kushikila aba milota.

Amosi 2:4

Mwaami Lesa waamba ayi, “Bene Juda bakalinga kubisha lyobilo lyobilo, aboobo ndushinisho ndaakubapa mulandu. Bakaka kukonkela Milawo yangu nebo neMwaami Lesa akukaka kukonkela milasho yangu. Balesa bakubeca babalengesha kuswa munshila, ee, balesa abo bamashali babo bakulukulu mbobakalinga kukonkela.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.

Sekaliya 8:17

Mutapingi kucita bubi kuli shikamukobonyoko, mutanoobeca pakushomesha cakulumbila. Nebo ndipatite shintu sha mushobo uyo. Nebo neMwaami Lesa ndaamba.”

Dutolonomi 23:18

Anu taaku maali acanikwa munshila ya mushobo wooyo eenga aletwa muŋanda ya Mwaami Lesa ayi ngakucita kweelana akushomesha cakulumbila. Mulyeelete kwishiba ayi Mwaami Lesa, Lesa wanu ulipatite bafuule abo.

Dutolonomi 24:4

ibaye mutaanshi teelete kumuboosha ceebo taasalalite. Mwaami Lesa taasuni sha mushobo uyo. Tamweelete kucita cibiibi ca mbuli ceeci mucishi ico Mwaami Lesa, Lesa wanu ncaatoomupa.

Dutolonomi 25:16

Mukwiinga Mwaami Lesa, Lesa wanu ulipatite muntu woonse ubeca.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.