Tushimpi 6:14 - Baibo Busansulushi Bwa Libuku Ili

¹⁴ Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Tushimpi 6:14 ပူးပေါင်းရင်းမြစ်များ

Kulumbaisha 140:2

Bantu abo mbeshikupangabo miyeeyo ibiibi mumyoyo yabo, akubusha nkondo nshiku shoonse.

Kulumbaisha 140:3

Milaka yabo njibiibi mbuli buyoka bwa nsoka. Milomo yabo ilicite buyoka mbuli bwa fumbe.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Tushimpi 14:22

Sa bantu bayeeya kucita shibiibi tabasowekete? Sombi abo bayeeya shintu shibotu balacana lusuno abulemu.

Tushimpi 16:27

Muntu utaaku mbwaabete ulapanga miyeeyo yakucisa babye, aalo maswi akwe alibo anga ngumulilo ukali.

Tushimpi 17:20

Muntu ucite moyo ubiibi taaswitilili. Uyo ucite mulaka ubeca ulawita mumapensho.

Tushimpi 2:14

Bantu abo balasangalalila mukucita shilubo akukondwa mubuluya bwa bubi.

Tushimpi 21:8

Nshila ya muntu ucite mulandu njabucenjeshi sombi micito ya muntu utacite mulandu ililuleme.

Tushimpi 22:8

Uyo ushanga bubi ulatebula mapensho, amusako wakwe wakulyatilila bamwi ulaakunyonyoolwa.

Tushimpi 24:8

Uyo upanga miyeeyo yakucita bubi, balamwiita ayi ngushishimfulunganya.

Tushimpi 3:29

Utayeeyi kucitila mubyo cintu nceenga camucisa mukwiinga ulekala pafwaafwi awebo alimwi ulakushoma.

Tushimpi 3:32

Ceebo Mwaami Lesa ulipatite muntu utaluleme, sombi balo baluleme ulanyumfwanaabo.

Isaya 32:7

Nshila sha muntu ushishimfulunganya nshabubi alimwi ulapanga miyeeyo ibiibi. Lakwe ncaapingabo, nkunyonyoola bakandu kwiinda mubunkulwe bwakwe nakubi kwaamba ayi shaamba bakandu shililuleme.

Isaya 57:20

“Sombi bamucita shibi balo balibo anga ngamaaba ayoosha apa lweenge ayo atacileeki kweenda cakulikampeeka, akuya mukukokolola matipa amatombe amwi kweela.

Esekelo 11:2

Mpomunyaawo Mwaami Lesa wakaŋambila ayi, “Webo omuntu, aba mbobantu bapinga kucita bubi akupanda bantu maano abiibi mundabala ino.

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!