Tushimpi 5:22 - Baibo Busansulushi Bwa Libuku Ili

²² Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 5:22 ပူးပေါင်းရင်းမြစ်များ

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

Esita 9:25

Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Jobo 18:8

Wenjila mubukonde, lyalo myeendo yakwe yacatwa.

Kulumbaisha 40:12

Nebo ndisakatitwe amapensho aanji koonse koonse, shibiibi shangu shafulisha abuumbi cakuncala ameenso. Ee, shiinji kwiinda misusu yangu ili mumutwi. Paceebo ceeco ndatyongola abuumbi mumoyo wangu.

Kulumbaisha 9:15

Mishobo yawita mucilindi nceyakalikabila, bacatwa kumyeendo mukoose nkobakateya beene.

Kulumbaisha 9:17

Lufu nkokweela nshila ya bamucita shibi, njenshila ya baabo boonse bakaka Lesa.

Tushimpi 1:18

Bantu aba balayubilila bulowa bwabo beene, ndushinisho balaliteyabo toose beene.

Tushimpi 11:3

Kushomeka kwa baluleme kulabatanjilila, sombi abo batashomeki balanyonyoolwa ceebo ca bubeshi bwabo.

Tushimpi 11:5

Bululami bwa baabo batacite kampenda bulalengesha nshila yabo kutuba, sombi bamucita shibi balawishikwa kushibiibi shabo beene.

Tushimpi 11:6

Bululami bwa bantu bashomeka mbobubafuna, sombi batashomeki balacatwa kushibiibi nshebasuni.

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Tushimpi 18:7

Muluya ulalinyonyoosha kumulomo wakwe mwiine. Ncakwiila maswi akwe ali anga nkoose kuli nguwe.

Tushimpi 24:12

Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Tushimpi 26:27

Na muntu ukaba cilindi, ulaakuwitaamo mwiine. Alyalo libwe lilaboolela wooyo utolikunkulusha.

Shikushimikila 7:26

Ndibwene cintu cibiibi kwiinda lufu. Cintu ico ngumwanakashi uyo uli anga nkoose. Ncakwiila mwanakashi uyo ucite moyo uli anga ncinsaala. Maansaakwe ali anga nincetani. Musankwa usangalasha Lesa ulakonsha kumuleya, sombi mucita shibi ulaakumucatisha mukoose kakwe.

Jelemiya 2:19

Bubi bwanu nobeene butoomupa mulandu. Kumfutatila kwanu kutoomuletela bukali bwangu. Lyalo mulaakwishiba mbocibica alimwi mbocilubite kusuula ndime nebo neMwaami Lesa, Lesa wanu akucileka kushomeka kuli ndime. Nebo neMwaami Lesa, Lesa Shinkusu shoonse ndaamba.”

Malilo 1:14

“Wakabona shibiibi shangu shoonse, akushaangilila pantu pomwi. Ee, kushaangilila pantu pomwi akunkulikisha munshingo. Ncakwiila ndakakopoka ceebo cakulemenwa. Mwaami Lesa wakangaba mumaansa a balwani mbootakoonshi kukoma.

Obadiya 1:15

“Bushiku buli pafwaafwi ubo nebo neMwaami Lesa, mbweshi nkoomboloshe mishobo yoonse. Sheenka nshemwakacita kubamwi nobene Edomu, ntoomulwiita ayi shilaakucitika akuli ndimwe. Micito yanu ibiibi ilaakumuboolela.

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Bene Ebulu 13:4

Cikwati kamucilemeka noonse alimwi basankwa abamakaabo balyeelete kunooshomeka kuli womwi awomwi mukwiinga Lesa ulaakoombolosha akupa mulandu bafuule alimwi abeshibulale.

Boomboloshi 20:41

Mpomunyaawo bene Isilaeli abo bakalinga kucica bakapiluluka akutalika kulwana. Aboobo bene Benjameni bakaloonda abuumbi ceebo bakabona calushinisho ayi kunyonyoolwa kwabo kwashikila.

Boomboloshi 9:57

Lesa wakapilushisha cibiibi abantu ba kuShekemu kweelana amaswi akwe Jotamu mwanaakwe Gidyoni ngaakaamba ndyaakabashingana.