Tushimpi 5:2 - Baibo Busansulushi Bwa Libuku Ili

² Lyalo ulaakwishiba kulilemeka, alimwi maswi ako alaakunootondesha ayi ulicite lushibo.

Tushimpi 5:2 ပူးပေါင်းရင်းမြစ်များ

Kulumbaisha 119:13

Ndaamba milawo yanu amulomo wangu, ee, milawo yoonse iswa kumulomo wanu.

Kulumbaisha 45:2

Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.

Kulumbaisha 71:15

Ndanooshimika shabululami bwanu alimwi alupulusho lwanu cakupisha lisuba, nabi nshishi ampolweela.

Tushimpi 10:21

Maswi a muntu ululeme alacafwa bantu baanji, sombi baluya balafwa ceebo cakubula maano.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Tushimpi 15:7

Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.

Tushimpi 16:23

Musongo ulayeeya kaatana kwaamba. Nshaamba shilalengesha kusuna kukutika.

Tushimpi 20:15

Golodi nkooli, amabwe amwi amakwebo eetwa ayi lubi ngaanji, sombi milomo yaamba sha lushibo ili anga ngamabwe amakwebo atacanikicaniki.

Tushimpi 3:21

Omwanaangu kakatila kubusongo amaano akunyumfwisha shintu, utashisuminishi kwaamba ayi shikushiiye.

Lwiimbo lwakwe Solomoni 4:11

Milomo yako ilicite mise anga mbuuci, onabwiinga wangu. Mulaka wako uliswitebo mukupa abuuci. Bweema bwa shakufwala shako buli anga mbweema bwa kuLebanoni.