Tushimpi 5:12 - Baibo Busansulushi Bwa Libuku Ili

¹² Lyalo mulaakwaamba ayi, “Anu ndakakakilanshi kwaambilwa? Nciinshi nceentakwe kusuminina kululikwa?

Tushimpi 5:12 ပူးပေါင်းရင်းမြစ်များ

Matalikilo 19:9

Sombi bakaamba ayi, “Swaako webo omuswamashi! Ndiwaani webo kutulwiita ncetweelete kucita? Swaako twiinde, na utoocita shitaala, nsheshi tucite kuli ndiwe, shitokwiinda nshitwalinga kusuni kucita pabasankwa abo.” Mpeeke bakashindika Loti akwisa ayi banyonyoole cisasa.

2 Makani 25:16

Ono mulaluki kaacaamba, mwaami wakamwaambila ayi, “Umuna! Twakakusala lili kuba shikupanda maano mwaami? Cileke kwaamba kaantana kukucaisha!” Mulaluki kaatana kucileka kwaamba, wakaamba ayi, “Ono ndeshiiba kwaamba ayi Lesa ulishinishite kumucaya mukwiinga mwebo mwaciita cintu ca mushobo uyu alimwi tamukwe kunyumfwila nshendaamba.”

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Kulumbaisha 50:17

Mwebo tamusuni kufundwa kuswa kuli ndime alimwi mulafutatila maswi angu.

Kulumbaisha 73:22

ndakalinga muluya utanyumfwi, ndakababo anga ngumunyama kuli ndimwe.

Tushimpi 1:22

Butokwaamba ayi, “Ino mwebo nobaluya, anu mulaakucileka lili kwikala mubuluya bwanu? Anu mwebo nobeshikucelebula mulaakucileka lili kusangalalila mukucelebula kwanu? Anu nobaluya mulaakucileka lili kusuula lushibo?

Tushimpi 1:25

Mwakasuula shoonse nshendakamufunda akukaka kunyumfwa kukalooka kwangu.

Tushimpi 1:7

Kuloonda Mwaami Lesa ngomatalikilo a lushibo, sombi balo baluya balanyansha busongo akukaka kulilemeka.

Tushimpi 10:17

Muntu woonse unyumfwila kululikwa ulaba abuumi, sombi uyo utasumini ayi ulilubite, ulasoweka.

Tushimpi 12:1

Muntu usuni kululikwa, ingayi ulisuni lushibo, sombi uyo utasuni kululikwa, ingayi ngumuluya.

Tushimpi 13:18

Muntu ukaka kululikwa ulaba mukandu alimwi ulasebaana, sombi uyo lakwe usumina kululamikwa ulalemekwa.

Tushimpi 15:5

Muntu muluya ulanyansha sheesho shimufunda baishi, sombi uyo ukutika kululikwa ngoocite busongo.

Tushimpi 5:11

Kumeelelesho abuumi bwanu mulaakunootongelabo, nkusu shaakumana mushiso sha mumubili wanu woonse.

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’