Tushimpi 4:23 - Baibo Busansulushi Bwa Libuku Ili

²³ Bunene bunene, ulame moyo wako ceebo nkokantupu ka buumi bwako.

Tushimpi 4:23 ပူးပေါင်းရင်းမြစ်များ

2 Baami 10:31

Nakubi boobo Jewu taakwe kukonkela camoyo woonse milawo ya Mwaami Lesa, Lesa wa bene Isilaeli. Lakwe wakakonkela bwakacita Jeloboamu uyo wakalengesha bene Isilaeli kubisha.

Tushimpi 11:16

Mwanakashi ucite nkumbu ulalemekwa, sombi basankwa beshilunkutwe baleelabo mukubila.

Tushimpi 13:3

Muntu uliciba pakwaamba ulafuna buumi bwakwe, sombi uyo ukuweelabo ulalicisa mwiine.

Tushimpi 16:17

Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.

Tushimpi 22:5

Munshila sha bamucita shibi mulipilingenebo myuumfwa atoose. Sombi uyo usuni buumi bwakwe ulekala kulaale a nshisho.

Tushimpi 23:19

Kutika omwanaangu ube musongo. Ensha buumi bwako munshila iluleme.

Tushimpi 28:26

Uyo ucinkite manungo muli nguwe mwiine, ngumuluya, sombi uyo weenda mubusongo, ulatabililwa.

Tushimpi 3:21

Omwanaangu kakatila kubusongo amaano akunyumfwisha shintu, utashisuminishi kwaamba ayi shikushiiye.

Tushimpi 4:7

Busongo ncecintu ciindaawo pashintu shoonse, aboobo ulyeelete kuba abusongo. Pashintu shoonse isho nsheenga wabaasho, ulyeelete kwiilikaawo amaano akunyumfwisha shintu.

Shikushimikila 5:13

Kuli bubi bucisisha moyo mbondakabona mucishi ca panshi Buboni bucanwa, sombi kabutacite mpindu kumwinebo,

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Mateyo 15:18

Sombi shintu shiswa mumulomo wa muntu, mukwiinga shilaswa mumoyo, nsheshimubisha.

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Maako 14:38

Amwikale kamulibambite akupaila ayi mutanjili mumasunko. Moyo walo ulisuni, sombi mubili ngowabula nkusu.”

Luka 6:45

Muntu uli kabotu ulaamba shibotu shili mumoyo wakwe, alakwe muntu mubiibi ulaamba shibiibi shili mumoyo wakwe mukwiinga muntu ulaamba shiswite mumoyo wakwe.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Bene Ebulu 12:15

Amucenjele kwaamba ayi kutabi muntu nabi womwi weshi aswe kuluse lwakwe Lesa, nabi abe anga nimbuto shamilunda isho shicita na shakula, shabisha shimwi shoonse.