Tushimpi 4:19 - Baibo Busansulushi Bwa Libuku Ili

¹⁹ Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Tushimpi 4:19 ပူးပေါင်းရင်းမြစ်များ

Jobo 12:25

Balaashaasha mumunshinshe mutaamu mumuni akubalengesha kutalantanta anga ngucakolwa.

Jobo 18:18

Ulaakukushikwa mucishi ca boomi, ee, kukushikwa mumumuni akutolwa mumunshinshe.

Jobo 5:14

Balaba mumunshinshe ciindi ca malumwi akutalika kupampanshapampansha anga ndimashiku.

Kulumbaisha 82:5

“Taaku ncemwishi alimwi tamucite lushibo. Muleenda mumunshinshe uyoosha uku lwiimbi lwa cishi ca panshi kalutenkaana.

Tushimpi 2:13

Bulaakukupulusha kubantu bakaka kwikala munshila shiluleme, bantu basuni kweendela munshila sha munshinshe.

Tushimpi 22:5

Munshila sha bamucita shibi mulipilingenebo myuumfwa atoose. Sombi uyo usuni buumi bwakwe ulekala kulaale a nshisho.

Jelemiya 13:16

Amulemeke Mwaami Lesa, Lesa wanu ndyaatana kuleta munshinshe ee, kamutana kutalika kulisuntula patulundu pataapu mumuni. Mwebo mutoolangila mumuni, sombi lakwe ulaakumuletela munshinshe ushiya mbi.

Jelemiya 23:12

Paceebo ceeco nshila shabo shilaakuba abuteshi. Ndaakubatandila mumunshinshe umo mweshi bakawiite. Ndaakubaletela mapensho mumwaaka uyo ngweshi bakapetweemo mulandu. Nebo neMwaami Lesa ndaamba.”

Mateyo 15:14

Mutalisukami ambabo, mbamatanjilili boofu. Aboobo na moofu watanjilila moofunyina, boonse bobilo balawita mucilindi.”

Mateyo 7:23

Sombi nebo ndaakubaambila patuba ayi, ‘Nshimwishiiwo napaceyi. Amusweewo apa mwebo nobamucita shibi!’

Joni 11:10

Sombi na weenda mashiku ndyaalisuntula mukwiinga taaku mumuni.”

Joni 12:35

Jesu wakabaambila ayi, “Mumuni ucili amwebo ciindi ciniinibo. Amweende, mumuni kauciliiko kwaamba ayi munshinshe utesi pali ndimwe. Mukwiinga uyo woonse weenda mumunshinshe taashibi nkwaatooya.

1 Joni 2:11

Sombi uyo upatite mubye uli mumunshinshe. Uleenda muli nguwo alimwi ankwaatooya taakwishi ceebo munshinshe wamulengesha kupofola.

1 Samwelo 2:9

“Lesa ulalama buumi bwa bantu bakwe bashomeka, sombi beshishibiibi balalobela mumunshinshe, ee, muntu taakomi kwiinda munkusu shakwe mwiine.