Tushimpi 4:18 - Baibo Busansulushi Bwa Libuku Ili

¹⁸ Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Tushimpi 4:18 ပူးပေါင်းရင်းမြစ်များ

2 Samwelo 23:4

ulabala anga ngumumuni wa macuunsa, ee, mumuni wa macuunsa ndikubula makumbi. Uli anga ngumumuni umenesha bwiisu imfula ndyeemana kuloka.’

Jobo 11:17

Ncakwiila buumi bwako bulaakubala anga ndisuba ndyeliba pakati ka mutwi. Mapensho ako alaakumana bweenka bumana munshinshe ndyebuca.

Jobo 17:9

Abo balyaamba ayi balalemekwa batooya ciindaawo kushinisha ayi baliluleme.

Jobo 23:10

Sombi lakwe ulishi mboonyenda, Aakumana kunsunka, ulaakucana ayi ndisalalite anga ngugolodi wiine wiine.

Kulumbaisha 84:7

Nkusu shabo shilaya cifulilaako ndibaya ceenda, tibili bakabonekele pameenso akwe Lesa wa balesa boonse muSiyoni.

Kulumbaisha 97:11

Mumuni ulamunikila pabantu baluleme. Kusangalala kulapekwa kubasalalite mumyoyo.

Tushimpi 13:9

Baluleme bali anga ndilampi linyakisha, sombi bamucita shibi bali anga ndilampi litooyanda kushimika.

Tushimpi 15:24

Musongo uleenda munshila ya buumi itola kwiculu, kumukasha kweenda munshila iya panshi pamusena wa bafu.

Tushimpi 2:20

Paceebo ceeci koendela munshila sha bantu bali kabotu akukonkela nshila sha baluleme.

Tushimpi 2:9

Lyalo ulaakwishiba kucita shintu shiluleme, koombolosha cakululama alimwi cakubula kasalulushi. Nkokwaamba ayi ulaakwishiba shibotu shoonse nshooelete kucita.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Mateyo 5:14

“Mwebo ndimwe mumuni wa cishi. Ndabala inene iyakitwe pakalundu taikoonshi kushisikwa.

Mateyo 5:16

Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

Mateyo 5:45

kwaamba ayi mube baana ba Ishiwanu uli kwiculu.’ Ceebo lakwe lisuba lyakwe lilaswa, lumwi lulabala pabamucita shibi abali kabotu, akuloshesha mfula baluleme abataluleme boonse.

Joni 8:12

Jesu wakaambila baFalisi alimwi ayi, “Ndi mumuni umunikila bantu boonse. Uyo woonse unkonkela teshi akeende mumunshinshe napaceyi, sombi ulaakuba amumuni upa buumi.”

2 Bene Kolinto 3:18

Swebo soonse sotucite shiwa shitafweketwe shisani, tuli anga nshilola shitondesha bulemu buswa kuMwaami. Tutoosandululwa kuba mbuli nguwe, kuswa mubulemu bumwi kuya mubuumbi bwiindaawo, kwiinda muMwaami uli nguMushimu.

Bene Filipi 2:15

Amube bana bakwe Lesa basalalite, batabishi, batacite mulandu alimwi batacite kampenda. Pakati ka bantu batashomeki, bamucita shibi, mulyeelete kubala mbuli mimuni ili mwiculu,

2 Pita 1:19

Aboobo tweshiba cancinencine ono ayi maswi akaamba balaluki bakulukulu ngalushinisho. Nkokwaamba ayi inga cabota na mwaakonkela mukwiinga ali anga ndilampi litoonyaka mumusena muli munshinshe kushikila bwaca alimwi kushikila mumuni wakwe Klistu ukamunike mumyoyo yanu anga ngwa ntanda,

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.

Boomboloshi 5:31

“NoBaami baLesa, balwani banu boonse abalobe, sombi abo bamusuni babe anga ndisuba liswa cankusu.” Lyalo mucishi cabo mwakaba luumuno kwamyaaka makumi one.