Tushimpi 31:9 - Baibo Busansulushi Bwa Libuku Ili

⁹ Kobaambililaako akoombolosha cakutanyengelela. Ee, kotabilila bakandu abapengete kwaamba ayi batanoolitwa masuku pamitwi.”

Tushimpi 31:9 ပူးပေါင်းရင်းမြစ်များ

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

Jobo 29:12

ceebo ndakalinga kufuna bakandu abo bakalinga kusenga lucafwo alimwi ndakalinga kucafwa bana banshiwa batakalinga kucite shikubacafwa.

Kulumbaisha 82:3

Amwiimikanine bakandu abana banshiwa, mutanyengeleli bapengete abaabo batoolyatililwa.

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.

Tushimpi 20:8

Mwaami ndyeekala pacuuna cakwe ca bwaami pakoombolosha, ulapupulushabo bubi boonse ameenso akwe.

Tushimpi 29:7

Ululeme ulishi bweelete kucitilwa bakandu, sombi mucita shibi lakwe taababikiko maano.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Sekaliya 7:9

“Kalekale ndakapa milawo iyi kubantu bangu ayi, ‘Mulyeelete koombolosha cakutanyengelela, kutondesha luse akunyumfwila nkumbu muntu womwi awomwi.

Sekaliya 9:9

Amusangalale, amusangalale mwebo nobene Siyoni! Amoolobeshe cakusangalala mwebo nobene Jelusalemu! Amubone mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.

Joni 7:24

Amucileeke koombolosha kwiinda mukulanga muntu mbwaabete, mutalike koombolosha kweelana amulandu mboobete.”

Dutolonomi 1:16

“Mpomunyaawo ndakabalwiita ayi, ‘Amukutike makani akwiinga esa pakati ka bantu banu. Amoomboloshe makani oonse cakwelanisha nabi ali pakati ka bene Isilaelinyinaanu nabi na ngumwine Isilaeli amuswamashi ngomwikalaakwe.

Bene Ebulu 1:9

Ulisuni kucita shiluleme akupata shitaluleme. Nceceeco nebo, neLesa wako, ncendakakusalila akukunanika mafuta abonesha kusangalala kwiinda babyo bamwi boonse.”

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.

1 Samwelo 19:4

Mpeeke Jonasani wakalumbaisha Defedi kuli baishi ayi, “Nkambo mutabishishi Defedi musebenshi wanu. Taaku ncaakabisha kuli ndimwe alimwi ncaakacita wakamucafwa abuumbi.

1 Samwelo 20:32

Mpomunyaawo Jonasani wakeepusha baishi ayi, “Ino ulyeelete kucailwanshi? Anu wakacitanshi?”