Tushimpi 31:4 - Baibo Busansulushi Bwa Libuku Ili

⁴ “Lemwelo, kunwa shilengesha kukolwa teshi cintu cibotu kubamaami. Kunwa waini teshi cintu cibotu kuli mbabo, ncakwiila teshi cintu cibotu baleli kuba anyotwa ya bwalwa.

Tushimpi 31:4 ပူးပေါင်းရင်းမြစ်များ

1 Baami 16:9

Simuli, uyo wakalinga mutanjilili wa bashilumamba musa beshikulwanina mushikoci sha maaki sha mwaami, wakapinga kucaya Ela. Bumwi bushiku muTesa, Ela wakalinga kuya cikolwa muŋanda yakwe Aasa, uyo wakalinga munene paŋanda ya bwaami.

1 Baami 20:12

Benadadi wakatambula kukumbula kwakwe Aabu ciindi lakwe abaabo bamaami bamwi mbwaakalinga kucafwanaabo ndibakalinga kunwa mumatente abo. Mpomunyaawo wakaambila bashilumamba bakwe ayi balibambile kuya mukulwana ndabala iyo. Mpeeke abalo bakalibambila.

Esita 1:10

Ono pabushiku bwasanu ashobilo, mwaami Sakisesi kaasangalete ceebo ca waini, wakeeta basankwa bakwe bakacaikwa lushalo bali bosanwe abobilo, nkokwaamba ayi Meyumani, Bisita, Alibona, Bigita, Abagita, Seta alimwi aKakasi.

Esita 3:15

Beshinkombe bakacita kweelana abwakaamba mwaami mukutola mulawo uyo mushipansha shoonse sha cishi amundabala inene ya Susa. Lakwe mwaami aAmani bakekala akutalika kunwa, sombi bamundabala ya Susa bakatalika kupilinganishikwa.

Tushimpi 20:1

Waini ulalengesha muntu kusebaana! Bwalwa bulalengesha muntu kubweka! Uyo woonse upisha mutwi muli mbubo ngumuluya.

Tushimpi 23:34

Ulaakunoonyumfwabo anga ngumuntu ulete pamaaba apalweenge, nabi anga ngumuntu ulete pansonga ya cisamu cicata nsalu yakweenshenshako bwaato.

Shikushimikila 10:17

Acilumbaishikwe cishi ico cicite mwaami wakashalwa abulemu alimwi cicite baleli balya paciindi ceelete. Ee, abo balya kwaamba ayi babe ankusu kuteshi kukolwa.

Isaya 5:22

Mapensho kubaabo baambwa busankwa pawaini! Ee, abo batacite boowa na caamba kusenkanya shakunwa shikali!

Abakuku 2:5

Waini ulacenjeeka! Balyabi balalisumpula alimwi tabakalikani. Tabakuti bweenka musena wa bafu mbootakuti. Nceceeco ncebakomena mishobo yoonse akutola busha bantu ba njiyo boonse.