Tushimpi 3:6 - Baibo Busansulushi Bwa Libuku Ili

⁶ Koyeeya Lesa mumilimo yako yoonse alakwe ndyeshi akakululamikile nshila shako.

Tushimpi 3:6 ပူးပေါင်းရင်းမြစ်များ

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Esila 7:27

Lyalo Esila wakaamba ayi, “Aalumbwe Mwaami Lesa, Lesa wa bamashali besu bakulukulu uyo walengesha mwaami kuyanda kulemeka Ŋanda ya Mwaami Lesa ya kuJelusalemu munshila iyi.

Neyemiya 1:11

Amukutike mupailo wangu nemusebenshi wanu pantu pomwi amipailo ya basebenshi banu bamwi boonse abo basangalala mukumulemeka. Amumpe coolwe nemusebenshi wanu kwaamba ayi mwaami uyo anyumfwile nkumbu.” Muciindi ico ndakalinga shikupa mwaami waini.

Neyemiya 2:4

Mpeeke mwaami wakanjipusha ayi, “Ino ulisuninshi?” Lyalo ndakapaila kuli Lesa wa kwiculu

Neyemiya 7:5

Lyalo Lesa wangu wakampa muyeeyo wakubunganya bamatanjilili, bacinenenene abantu bamwi boonse ayi balembwe kweelana abamumaandaabo. Mpeeke ndakacana makani asansulula mikowa ya baabo bakataanguna kuboolela kuswa mubusha. Ono shakalinga kulembetweemo nsheeshi:

Kulumbaisha 32:8

Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Tushimpi 11:5

Bululami bwa baabo batacite kampenda bulalengesha nshila yabo kutuba, sombi bamucita shibi balawishikwa kushibiibi shabo beene.

Tushimpi 16:3

Bika miyeeyo yako mumaansa a Mwaami Lesa, lyalo miyeeyo yako iyo yoonse ilaakuswitilila.

Tushimpi 16:9

Muntu inga wayeeya nshila njaasuni kutola, sombi Mwaami Lesa ngootanjilila ntaamwa shakwe.

Tushimpi 23:17

Utalekeli moyo wako kukumbwa shicita bamucita shibi, sombi utolelele kuloonda Mwaami Lesa lyoonse.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 30:21

Na kwaba kupambuka munshila akulanga kulubasu lwa kucipiko nabi kululyo, mulaakunyumfwa liswi lyakwe kuswa kwisule lyakumulwiita ayi, “Nshila iluleme njeeyi. Amukonkele njiyo.”

Isaya 45:13

Ono ndasongaanya Sailasi kashanga mubululami bwangu. Ndaakululamika nshila shoonse nsheshi akanokwiinda. Ulaakuyakulula ndabala yangu inene ya Jelusalemu alimwi ulaakwaangulula bantu bangu bali mubusha. Sombi teshi akacite boobo kwaamba ayi alipilwe nabi kulambulwa.” Mwaami Lesa Shinkusu shoonse waamba.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.

Jelemiya 10:23

NoBaami baLesa, ndishi kwaamba ayi buumi buli mumuntu teshi bwaakwe, sobwe. Muntu taacite nkusu shakweendelesha buumi bwakwe.

Jelemiya 42:3

Amupaile ayi Mwaami Lesa, Lesa wanu atulwiite nkotweelete kuya ancotweelete kucita.”

Shakubelenga 9:20

Mushiindi shimwi, likumbi lyakalinga kwikalabo nshiku shiniini paTente. Sombi ciindi coonse bakalinga kwikala mumisumba nabi kulonga kweelana abwaamba Mwaami Lesa.

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

2 Bene Kolinto 8:16

Ono aalumbwe Lesa ulengesha Taitasi kulyaaba bweenka mbotulyaaba aswebo pali ndimwe.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Kolose 3:23

Ono coonse cintu ncemutoocita, amuciciite amoyo womwi anga mutoocitila Mwaami Jesu, kuteshi bantu.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.

1 Samwelo 30:8

Mpeeke Defedi wakeepusha Mwaami Lesa ayi, “Sa beshikusaala bacita bobulya mbakonkele? Sa ntoobeensha?” Mwaami Lesa wakakumbula ayi, “Ee, bakonkele, utoobeensha alimwi utoofuna bantu bako.”