Tushimpi 3:5 - Baibo Busansulushi Bwa Libuku Ili

⁵ Cinka manungo muMwaami Lesa amoyo wako woonse. Kutacinka manungo mumaano ako akunyumfwisha shintu.

Tushimpi 3:5 ပူးပေါင်းရင်းမြစ်များ

Esila 8:23

Aboobo twakalikasha kulya akusenga Lesa wesu pamakani aya, alakwe wakakumbula mipailo yesu.

Jobo 13:15

Nabi ayi Lesa utooncaya, ndanoocinkite manungo muli nguwe. Sombi ndaakutondesha pameenso akwe ayi nshicite mulandu mucikani cangu ici.

Kulumbaisha 125:1

Abo bacinkite manungo muMwaami Lesa, bali anga nKalundu ka Siyoni, kalundu ako katakoonshi kutenkaana, sombi kananooliko kwalyoonse alyoonse.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Kulumbaisha 37:5

Lyaabe mumaansa a Mwaami Lesa, cinka manungo muli nguwe alakwe ulaakukucafwa.

Kulumbaisha 37:7

Kokalika caamba pameenso akwe Lesa akulindila lucafwo lwakwe. Utalisukami abantu basumpuka kwiinda munshila shabo beene, ee, bantu abo baswitilila kwiinda mumiyeeyo yabo ibiibi.

Kulumbaisha 62:8

Mwebo nobantu amucinke manungo muli nguwe ciindi coonse, Amumulwiite mapensho anu oonse, ceebo Lesa eenka nceciyubilo cesu.

Tushimpi 22:19

Ndisuni kwaamba ayi ucinke manungo muMwaami Lesa, nceceeco sunu webo nceentookwiishila.

Tushimpi 23:4

Utalipenshi kuyanda kubila, tondesha busongo bwakulicata.

Tushimpi 28:26

Uyo ucinkite manungo muli nguwe mwiine, ngumuluya, sombi uyo weenda mubusongo, ulatabililwa.

Tushimpi 3:7

Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

Isaya 12:2

Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Jelemiya 10:23

NoBaami baLesa, ndishi kwaamba ayi buumi buli mumuntu teshi bwaakwe, sobwe. Muntu taacite nkusu shakweendelesha buumi bwakwe.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Shakubelenga 9:20

Mushiindi shimwi, likumbi lyakalinga kwikalabo nshiku shiniini paTente. Sombi ciindi coonse bakalinga kwikala mumisumba nabi kulonga kweelana abwaamba Mwaami Lesa.

Shakubelenga 9:22

Shibe nshiku shobilo, mweenshi, mwaaka nabi kusotokaawo, kulilabo na likumbi kalicili paTente, tebakalinga kulonga. Sombi na lyaswaawo, abalo nkulonga.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Bene Efeso 1:12

Wakalinga kusuni kwaamba ayi swebo sotwakataanguna kulangila Klistu, tulumbaishe bulemu bwakwe Lesa.