Tushimpi 3:3 - Baibo Busansulushi Bwa Libuku Ili

³ Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Tushimpi 3:3 ပူးပေါင်းရင်းမြစ်များ

2 Samwelo 15:20

Bona ndicilo mabalabo ndiwakesa. Ono utooyeeya kwaamba ayi alimwi sunu inga ndakulengesha kuya ciingooka aswebo? Nebo nshibwene ankoontooya. Boolela pantu pomwi abene mishaanu. Ndaseenga ayi nkuumbu sha Mwaami Lesa shibe awebo alimwi ayi ashomeke kuli ndiwe.”

Kulumbaisha 119:11

Ndalama maswi anu mumoyo wangu, kwaamba ayi ntanoomubishisha.

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Kulumbaisha 85:10

Lusuno akushomeka shilakumana, bululami aluumuno shilakumbatana.

Kulonga 13:9

Kusekelela uku kulaakuba ciibalusho, bweenka mbuli cimwi cintu caangitwe kulyaansa nabi pankumo. Kulaakumwiibalusha kutolelela kwiinduluka alimwi akwiiya Milawo ya Mwaami Lesa ceebo nguMwaami Lesa wakamukusha mucishi ca Ijipiti kwiinda munkusu shakwe shiteelekwa.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Tushimpi 1:9

Ceebo kwiisha kwabo kulaakubotesha mibo yako bweenka cisoti mbocikubotesha kumutwi akancetani munshingo.

Tushimpi 14:22

Sa bantu bayeeya kucita shibiibi tabasowekete? Sombi abo bayeeya shintu shibotu balacana lusuno abulemu.

Tushimpi 16:6

Lusuno alushomo nsheshileta kulekelelwa kwa shibiibi. Na kooloonda Mwaami Lesa, inga kootabishiiwo napaceyi.

Tushimpi 20:28

Lusuno alushomo nsheshilengesha mwaami kwikala kabotu, bululami bwakwe bulamupa kukalilila pacuuna cakwe ca bwaami.

Tushimpi 6:21

Ushilaame mumoyo wako ciindi coonse akushifwala lyoonse mbuli bulungu bwa munshingo.

Tushimpi 7:3

Unokweendaasho nshiku shoonse bweenka mboofwala ninga kulyaansa lyako. Ncakwiila ulyeelete kushilemba mumoyo wako.

Jelemiya 17:1

Mwaami Lesa waamba ayi, “Nobene Juda shibiibi shanu shakalembelwa acakulembesha ca nshimbi. Shakatalwa alibwe likolete pamyoyo yanu alimwi akumakonko oonse a shipaililo shanu.

Osiya 4:1

Amunyumfwe liswi lya Mwaami Lesa mwebo nobene Isilaeli mukwiinga Mwaami Lesa ulicite mulandu ngwaatoomupa mwebo nomwikala mucishi cino. Waamba ayi, “Mucishi cino taaku kushomeka, lusuno nabi lwishibo lwakwaamba ayi ndime Lesa.

Malaki 2:6

Bakalinga kwiisha shalushinisho, kakutaaku cakubeca nabi comwi. Bakalinga kwikala anebo muluumuno amubululami, alimwi akucafwa baanji ayi basanduke kuswa kushibiibi shabo.

Mateyo 23:23

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulapa calikumi ca mbewu shinunkila kabotu alimwi ashakubika mucakulya, sombi mulasuula milawo inene yancinencine, mbuli kucita shiluleme kubantu, nkumbu alimwi akushomeka. Mwalinga kweelete kunooshicita, kamutasuuli shimwi isho.

2 Bene Kolinto 3:3

Cilibwenekete patuba kwaamba ayi Klistu mwiine ngowakalemba nkalata iyi akwiituma kwiinda muli ndiswe. Tailembetwe ainki, sombi aMushimu wakwe Lesa muumi alimwi tailembetwe pamabwe, sombi pamyoyo ya bantu.

Bene Efeso 5:9

Mukwiinga mumuni uyu ngoolengesha bantu kwaamba ayi bacite shintu shoonse shibotu, shiluleme alimwi ashalushinisho.

Dutolonomi 6:8

Amuyaange pamikono yanu alimwi mwiifwaale pankumo ayi nciibalusho.

Bene Ebulu 10:16

“Mwaami Lesa wakaamba ayi ici ncecipangano nceshi nkapange ambabo munshiku shitoosa. Ndaakubika milawo yangu mumyoyo yabo alimwi akwiilemba mumiyeeyo yabo.”