Tushimpi 3:24 - Baibo Busansulushi Bwa Libuku Ili

²⁴ Ulaakunooya mukoona kwakubula cakuloonda, ee, ulaakunoolyonenabo cakusutulako amutwi.

Tushimpi 3:24 ပူးပေါင်းရင်းမြစ်များ

2 Makani 20:30

Mpeeke Jeoshafati wakalela muluumuno alimwi Lesa wakamupa luumuno kumbasu shoonse.

Jobo 11:19

Taaku mulwani weshi akanookukonga, alimwi baanji balaakunoosenga ayi ubacaafwe.

Kulumbaisha 112:8

Lakwe taakushi moyo alimwi taaloondiiwo. Kumeelelesho ulaakubona ayi wabakoma balwani bakwe.

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Kulumbaisha 3:5

Aboobo ndoona mutulo akubuka alimwi, mukwiinga Mwaami Lesa ulandama.

Kulumbaisha 3:6

Teshi nkaloonde shuulu sha balwani abo batoomfwima koonse koonse.

Kulumbaisha 4:8

Ndyeengona ndaba muluumuno, mukwiinga mwebo noBaami baLesa, ndimwe mumfukete.

Kulumbaisha 91:5

Utakaloondi kushintu shiyoosha sheenda mashiku, nabi mifwi iswa kubalwani bako malumwi.

Tushimpi 1:33

Sombi abo boonse banyumfwila ndime, balekala kwakubula cakulisukama. Balekala muluumuno kwakubula cakuloonda nabi comwi.”

Tushimpi 19:23

Kuloonda Mwaami Lesa nkokuletela buumi, lyalo muntu ulekala kwakubula cakulisukama alimwi kwakubula makatasho.

Tushimpi 6:22

Waakunooya bweenda, shilaakukutanjilila. Na woona mashiku, shilaakukufuna. Na wabuuka, shilaakukupandako maano.

Shikushimikila 5:12

Tulo twa muntu uyuwaana kusebensa, ntubotu abuumbi. Sombi kufula kwa buboni bwa muntu mubile kulamulengesha kutanootukupulaawo napaceyi.

Isaya 54:14

Koombolosha kwakutanyengelela abululami bulaakukushimpya. Kulyatililwa alunkutwe shilaakunooli kulaale awebo. Taaku nabi comwi nceshi ukanoolisukama. Shakuloondaloonda shilaakumaninabo limwi, cakutashinyumfwaawo tubili pafwaafwi awebo.

Jelemiya 31:26

Lyalo bantu balaakunokwaamba ayi, ‘Ndalinga ndoona tulo tubotu, ncakwiila ndaboolelwaamo.’ ”

Esekelo 34:15

Nebo nemwiine ndaakuba mweembeshi wa mbelele shangu alimwi ndaakushicanina mulela wakookesheshaawo. Nebo neMwaami Lesa Shinkusu shoonse ndaamba.

Esekelo 34:25

Kuswawaawo ndaakupanga cipangano ca luumuno a nshisho akukusha banyama ba muluundu mucishi kwaamba ayi shikekale muluyanga nabi mumusaansa kwakubula cakulisukama.

Esekelo 34:27

Shisamu sha mumyuunda yabo shilaakucata shisepo abwalo bulongo bulaakukusha shishango. Bantu balaakwikala kwakubula cakulisukama mucishi cabo. Ndaakutyola lijoko lyabo akubakusha mumaansa abaabo bakalinga babatola busha. Lyalo ndyeshi bakeshibe ayi nebo ndi Mwaami Lesa.

Bene Lefi 26:6

“Ndaakumupa luumuno mucishi canu alimwi mulaakunokoona cakutaloonda muntu nabi womwi. Banyama boonse bakali ndaakubatandaamo, anu teshi mukabewo nkondo alimwi.

Milimo ya Batumwi 12:6

Ono mashiku pabushiku Elodi mbwaakalinga kuyeeya ayi macuunsa akamoomboloshe, Pita wakalinga kulete pakati kabashilumamba bakalinga kumulama. Wakalinga kwaangitwe ncetani shobilo, imwi kayaangitwe kushilumamba womwi kulubasu lumwi aimwi kushilumamba umwi. Kwakalinga abashilumamba bamwi pamulyango wa ntolongo.