Tushimpi 29:4 - Baibo Busansulushi Bwa Libuku Ili

⁴ Kwiinda mukoombolosha kululeme, mwaami ulalengesha cishi cakwe kushimpa, sombi uyo usuni bunene makulo, ulacimwaya.

Tushimpi 29:4 ပူးပေါင်းရင်းမြစ်များ

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

1 Baami 2:12

Solomoni ngowakapyana bwaami bwa baishi baDefedi alimwi buleelo bwakwe bwakashimpa.

2 Makani 9:8

Aalumbaishikwe Mwaami Lesa, Lesa wanu! Wabonesha mbwaasangalete pali ndimwe kwiinda mukumubika pacuuna ca bwaami bwa bene Isilaeli. Mukwiinga lusuno lwakwe pabene Isilaeli teshi lukamaane alimwi mukwiinga ulisuni kubafuna lyoonse, wamupa bwaami kwaamba ayi pakati kabo pabe koombolosha kwakutanyengelela alimwi abululami.”

Jobo 11:6

akukwaambila bushishi buli mubusongo bwiine bwiine. Mukwiinga busongo bwiine bwiine bulicite nshila shobilo. Ono shiba ayi Lesa taatookupensha kweelana abweelete milandu yako.

Kulumbaisha 89:14

Bululami akoombolosha kwakutanyengelela shili anga ndwiimbi lwa cuuna ca bwaami bwanu. Lusuno lwanu lutamaani akushomeka shilaboneka mushoonse nshemucita.

Kulumbaisha 99:4

Mwaami Shinkusu shoonse, ulisuni shiluleme. Lakwe walengesha ayi koombolosha kululeme kube muIsilaeli, ee, muIsilaeli mwaleta bululami akoombolosha cakutanyengelela.

Tushimpi 14:34

Bululami bulalengesha mushobo wa bantu kulemekwa, sombi shibiibi shilaleta musebaanyo pamushobo uli woonse.

Tushimpi 16:10

Mulomo wa mwaami ulaamba ankusu shiswa kuli Lesa, aboobo mulomo wakwe toomboloshi cakutalulama.

Tushimpi 16:12

Bamaami balipatite micito ibiibi ceebo bweendeleshi bulayuma kwiinda mubululami.

Tushimpi 20:8

Mwaami ndyeekala pacuuna cakwe ca bwaami pakoombolosha, ulapupulushabo bubi boonse ameenso akwe.

Tushimpi 29:14

Na mwaami kaaombolosha bweelete milandu ya bakandu, ncakwiila ulaakweendelesha ciindi cilaamfu.

Tushimpi 8:15

Ndacafwa bamaami kweendelesha. Ndacafwa baleli kupanga milawo ibotu.

Isaya 49:8

Mwaami Lesa utokwaambila bantu bakwe ayi, “Ciindi caakushikila cakumupulusha, ndaakumunyumfwila nkumbu akukumbula kusenga lucafwo kwanu. Ndaakumulama akumutabilila alimwi kwiinda muli ndimwe ndaakupanga cipangano abantu boonse. Ndaakumusuminisha kwikala alimwi mushipansha shanu sha cishi ico bulya cili mumatongo.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Danyelo 11:20

“Mumusena wakwe kulaakuba mwaami weshi akatume shikusonkesha mucishi ico kwaamba ayi afushe bubile mucishi cakwe. Nakubi boobo mwaami uyo ulaakucaikwa kwaakwiindabo ciindi ciniini. Teshi akacaikwe ceebo ca bukali bwa muntu nabi munkondo.”

Mika 7:3

Boonse mbantu bacibwene kucita bubi. Alakwe muleli ulisuni kupekwa shipo, shikoombolosha ulisuni makulo, alakwe shinkusu ulaambabo nshaasuni cakutasenga. Bantu abo boonse balacatana pantu pomwi mukupinga kucita bubi.

1 Samwelo 13:13

Samwelo wakamwaambila ayi, “Waciita cintu cabuluya. Tookwe kukonkela mulawo wakakupa Mwaami Lesa wako. Niwacita boobo, naakwiinga Mwaami Lesa wabika bweendeleshi bwa bene Isilaeli mumaansaako abamulunyungu lwako kwamuyayaya.