Tushimpi 29:2 - Baibo Busansulushi Bwa Libuku Ili

² Na baluleme balela bantu boonse balasangalala, sombi na bamucita shibi balela bantu balatongooka.

Tushimpi 29:2 ပူးပေါင်းရင်းမြစ်များ

Esita 3:15

Beshinkombe bakacita kweelana abwakaamba mwaami mukutola mulawo uyo mushipansha shoonse sha cishi amundabala inene ya Susa. Lakwe mwaami aAmani bakekala akutalika kunwa, sombi bamundabala ya Susa bakatalika kupilinganishikwa.

Esita 8:15

Lyalo Modekayi wakaswa kuŋanda ya bwaami kaafwete shakufwala sha bwaami sha mushobo wa liculu akutuba, mungaanjo wa nsalu iteshimite ifubelafubela amushini wa golodi unene. Lyalo bamundabala inene ya Susa bakasekelela cakusangalala abuumbi mumikwakwa.

Jobo 34:30

Ncakwiila mishobo yoonse taaku nceenga yacita kukasha beshikulyatilila batashomi Lesa kulela bamwi boonse.

Tushimpi 11:10

Baluleme na baswitilila bamundabala balasangalala. Na bamucita shibi bafwa, bantu baloolobesha cakusangalala.

Tushimpi 28:12

Na baluleme bakoma kulaba kusekelela kunene, sombi na mucita shibi wabwesa bweendeleshi bantu balaya mukuyuba.

Tushimpi 28:15

Bweenka bubuluma nkalamu nabi bukalala suntwe munene, mbweeke ubo amuleli upensha bakandu mbwaabete.

Tushimpi 28:28

Na bamucita shibi babwesa bweendeleshi, bantu balaya mukuyuba, sombi bamucita shibi na baloba, baluleme balafula alimwi.

Shikushimikila 10:5

Kuli bubi mbondakabona muno mucishi ca panshi, ee, kulubisha kulengeshekwa amuleli.

Shikushimikila 10:6

Baluya ulababika mumisena yapeculu, sombi babile ulababoosha panshi peene.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Mateyo 2:3

Ndyaakanyumfwa makani aya, mwaami Elodi wakalisukama abuumbi pantu pomwi abantu boonse ba muJelusalemu.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”