Tushimpi 28:4 - Baibo Busansulushi Bwa Libuku Ili

⁴ Abo batakonkeli milawo, bali kulubasu lwa bamucita shibi. Sombi abo beekonkela tababete kulubasu lwabo.

Tushimpi 28:4 ပူးပေါင်းရင်းမြစ်များ

1 Baami 18:18

Lyalo Elija wakakumbula ayi, “Nshiciti shifulunganya nebo, mwebo ndimwe abamuŋanda ya baishiwanu. Mutookaka kunyumfwila milasho ya Mwaami Lesa akunoolambila shibumbwabumbwa shakwe Baali.

1 Baami 18:21

Elija wakaya kubantu akwaamba ayi, “Ino mutootola ciindi cilaamfu buyani kwaamba ayi musale ca maano? Na Mwaami Lesa ngoLesa walushinisho, kamumulambila, sombi na Baali ngoLesa kamumulambila!” Bantu boonse taakuuwo ncebakaamba.

Neyemiya 13:15

Munshiku isho ndakabona bantu bamwi mucishi ca Juda bakalinga kutyana minyansa pabushiku bwakookesha bwa Cibelu. Bamwi bakalinga kubika shili anga ngamaila, waini, minyansa, inkuyu ashimwi shintu pambongolo shabo akutola kuJelusalemu. Ndakabacenjesha ayi batanokuulisha cintu cili coonse pabushiku bwakookesha bwa Cibelu.

Neyemiya 13:28

Mwanaakwe Joiyada umwi, mwishikulu wakwe Eliyashibu mupailishi munene, wakeeba mwanaakwe Sanibalati mwine Oloni. Aboobo ndakamutanda muJelusalemu.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 49:18

Nakubi kwaamba ayi muntu wabona ayi ncakwiila walya pacishi ca panshi, alimwi na walumbaishikwa kubantu ceebo cakusumpuka mubuumi bwakwe

Jelemiya 5:30

“Cintu ciyoosha alimwi cikankamika cacitika mucishi.

Mateyo 14:4

Mukwiinga Joni wakalinga kwaambila Elodi ayi, “Mulawo tausuminishi ayi webo umweebe.”

Mateyo 3:15

Sombi Jesu wakamukumbula ayi, “Paciindi cino cita bweenka ubo. Na tucite boobo, nkokwaamba ayi tutoocita kuyanda kwakwe Lesa.” Mpeeke Joni alakwe wakasumina.

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Milimo ya Batumwi 12:22

Mpeeke bantu bakalinga koolobesha ayi, “Taatokwaamba anga ngumuntu, sombi anga ngulesa.”

Milimo ya Batumwi 15:2

Mpeeke Paulo aBanabasi bakapikishanya abuumbi ambabo pacikani ici. Paceebo ceeco, bashomi bakasuminishanya ayi Paulo, Banabasi alimwi abamwi ba muAntyoki baye kuJelusalemu mukubandika abatumwi alimwi abamatanjilili ba coonde pamakani aya.

Milimo ya Batumwi 19:9

Sombi bamwi bakacita minsuula akukaka kushoma nshaakalinga kubalwiita. Bakatalika kucobola Nshila ya Mwaami Jesu pameenso a bantu boonse. Paceebo ceeco, Paulo wakabashiya akuya abaabo bakashoma. Mpeeke bushiku abushiku wakalinga kubandika abantu muŋanda inene njaakalinga kusebensesha Tayilanasi pakwiisha.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Bene Efeso 5:11

Mutabiko lubasu kushintu shitacite ncito sha mumunshinshe isho shicita bantu bamwi. Sombi mwebo mulyeelete kushileta kumumuni.

1 Bene Tesalonika 2:2

Mulishi bene Filipi mbobakatupensha akutusebaanya cilensha nsoni mundabala yabo, katutana kwisa muTesalonika umo. Nakubi kwaamba ayi bantu baanji bakalinga kusuni kwiimika mulimo wesu, Lesa wesu wakatuyumya myoyo kwaamba ayi tukonshe kumulwiita Makani Abotu aswa kuli nguwe.

1 Joni 4:5

Balaluki babeshi aba balisuni sha mucishi ca panshi alimwi anshebaamba nsha mucishi. Ono abalo basuni sha mucishi balabanyumfwila.

Judi 1:3

Nomusunikwi, ndakalinga kusuni abuumbi kumulembela nkalata kwaamba ayi musansulwite lupulusho ndotucite swebo sobashomi soonse. Sombi ndakabona kwaamba ayi inga cabota kumulembela nkalata yakumuyumya ayi mulame camaansa obilo lushomo ulo Lesa ndwaakapa bantu bakwe linkanda lyomwibo.