Tushimpi 27:8 - Baibo Busansulushi Bwa Libuku Ili

⁸ Muntu wasoweka kuswa kuŋanda yakwe, ulibo anga nkayuni kaluba kucinswa ca nkako.

Tushimpi 27:8 ပူးပေါင်းရင်းမြစ်များ

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 4:16

Mpeeke Kaini wakaswa pameenso akwe Lesa akuya mukwikala kumusena wiitwa ayi Nodi nkokwaamba ayi, “Kwiingooka” uyo uli kwicwe lya Edeni.

1 Baami 11:22

Mpomunyaawo mwaami wakeepusha ayi, “Cabica nciinshi? Sa kuli ncendaalilwa kukupa? Sa ncoosunini kuboolela kumishaanu ico?” Adadi wakakumbula mwaami ayi, “Sobwe, amundeekebo mboolele.” Lyalo wakaboolela kucishi cine mishaabo.

1 Baami 19:9

Ndyaakashika uko wakenjila mucimfwengo umo mwaakoona bushiku ubo. Mpomunyaawo Mwaami Lesa wakamwaambila cakuteengashila ayi, “Ino utoocitanshi kuno webo Elija?”

Tushimpi 21:16

Muntu upambuka munshila ya maano akunyumfwisha shintu, ulaakuya mukwikala pantu pomwi abafu.

Tushimpi 26:2

Mashingo taakoonshi kukucisa na taakweelete. Ee, alaba anga mbayuni balelembabo, sombi cakutekalaawo.

Tushimpi 27:7

Muntu na ulikutite ulakaka abuuci boonse, sombi lakwe ufwite nsala ashilula shoonse shilabota.

Isaya 16:2

Ono bweenka bana ba babayuni mbobaulukaulukabo na bakushikwa paciinswa, mbweeke ubo banakashi bene Moabu mbobabete kushito sha mulonga wa Anoni.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

1 Bene Kolinto 7:20

Muntu woonse ulyeelete anooli bweenka mbwaakalinga ndyaakatambula bwiite bwakwe Lesa.

Judi 1:13

Micito yabo ilensha nsoni ili anga ndyoofu amatombe, shicaala muloombe lwa lweenga ceebo ca maaba. Balibo anga ninyenyeenshi shaluba moshiinda. Paceebo ceeco, Lesa wakababambila musena mumunshinshe utamaani.

1 Samwelo 22:5

Ono mulaluki Gadi wakaya kuli Defedi akumulwiita ayi, “Utanookaloomuno, nyamuka bweenka bulya uye kucishi ca Juda.” Mpeeke Defedi wakaswaamo akuya kumusaansa wa Eleti.