Tushimpi 27:3 - Baibo Busansulushi Bwa Libuku Ili

³ Libwe ndilemu a museese ngumukuli unene, sombi shoonse ishi inga tasheelaniiwo akukalashikwa kumuluya.

Tushimpi 27:3 ပူးပေါင်းရင်းမြစ်များ

Matalikilo 49:7

Lishingo alibe pabukali bwabo buyoosha, ncakwiila pabukali bwabo bwalunkutwe. Ndaakubapalanganya mucishi coonse cakwe Jakobo, ndaakubapalanganishisha mucishi coonse cakwe Isilaeli.

Jobo 5:2

Ncakwiila bukali bulacaya muluya, awalo munyono ulacaya bataaku mbobabete.

Tushimpi 12:16

Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.

Tushimpi 17:12

Ncibotu kukumana abeya wabweselwa baana, kwiinda kucana muluya kaacita shabuluya.

Tushimpi 27:2

Akukulumbaishe umwi muntu kuteshi omwiine, ee, umbibo, kuteshi mulomo wako omwiine, sobwe.

Tushimpi 27:4

Bukali mbubiibi, kukalala ca lushinga kulanyonyoola, sombi munyono walo uleendaawo kubica.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.

Shakubelenga 22:27

Paciindi ico, mbongolo ndiyakabona munjelo, yakoona panshi. Balaamu wakakalala akutalika kuuma mbongolo ankoli yakwe.

1 Joni 3:12

Tatweelete kuba anga nguKaini uyo wakalinga kulubasu lwa Mubiibi akucaya Abelo mwanike wakwe. Ino nciinshi ncaakamucaila? Mukwiinga nshaakalinga kucita lakwe mwiine shakalinga shibiibi, sombi mwanike wakwe kaacita shiluleme.