Tushimpi 26:12 - Baibo Busansulushi Bwa Libuku Ili

¹² Muntu ulibeca kuba musongo kaateshi musongo ngumuluya kwiinda muluya wiinda pabaluya boonse.

Tushimpi 26:12 ပူးပေါင်းရင်းမြစ်များ

Tushimpi 12:15

Muluya ulayeeya ayi nshaacita shililuleme, sombi musongo ulanyumfwila nshaafundwa.

Tushimpi 22:29

Sa kuli muntu ngoobwene ucishi kabotu mulimo wakwe? Uyo ulaakunoosebensela bamaami kuteshi bantubo, sobwe.

Tushimpi 26:16

Mutolo ulayeeya ayi lakwe ulicite maano kwiinda basongo bosanwe abobilo beenga baamba miyeeyo yabo akupa busansulushi bubotu.

Tushimpi 26:5

Kumbula muluya kweelana abuluya bwakwe ceebo inga walibona ayi ngumusongo mumeenso akwe mwiine.

Tushimpi 28:11

Mubile ulalibona kucenjela mwiine, sombi mukandu ucite maano akunyumfwisha shintu ulamwishiba mbwaabete.

Tushimpi 28:26

Uyo ucinkite manungo muli nguwe mwiine, ngumuluya, sombi uyo weenda mubusongo, ulatabililwa.

Tushimpi 29:20

Muntu wiingana kwaamba ngumuluya kwiinda muluya wiinda pabaluya boonse.

Tushimpi 3:7

Kuteelesha kuliyeeyela ayi ulicite busongo, sombi koloonda Mwaami Lesa akutalamuka kushibiibi.

Isaya 5:21

Mapensho kubaabo baliyeeyela ayi mbasongo, ee, baliyeeyela ayi balicenjete.

Mateyo 21:31

Ino ngani pabaana bobilo aba wakacita bwakalinga kuyanda baishi?” Balo bakakumbula ayi, “Mutaanshi.” Mpeeke Jesu wakabaambila ayi, “Ntoomulwiita calushinisho ayi basonkeshi abafuule batootaanguna kwinjila muBweene bwakwe Lesa mwebo kamutana.

Luka 18:11

“Mpomunyaawo muFalisi wakanyamuka akupaila ayi, ‘Ndamulumba nobaLesa ceebo nshibete mbuli bamwi bantu boonse bapambi, bataluleme nabi beshibulale alimwi ndalumba ceebo nshibete mbuli musonkeshi uyu.

Luka 7:44

Mpeeke wakalanga kumwanakashi uyo akwaambila Simoni ayi, “Sa wamubona mwanakashi uyu? Mbondashikila muŋanda yako tookwe kumpaawo maanshi akusamba kushimpanta. Sombi lakwe wasansha shimpanta shangu aminsonshi yakwe akushipukuta amisusu yakwe.

Joni 9:41

Jesu wakabaambila ayi, “Nemwalinga boofu naakwiinga kamutacite mulandu ceebo ca shibiibi shanu. Ono mukwiinga mutokwaamba ayi, ‘Tulabona,’ nkokwaamba ayi munanoolibo amulandu wanu.”

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.