Tushimpi 24:9 - Baibo Busansulushi Bwa Libuku Ili

⁹ Miyeeyo ipanga muluya nkucita shibiibi, alimwi bantu balipatite muntu shikucelebula.

Tushimpi 24:9 ပူးပေါင်းရင်းမြစ်များ

Matalikilo 6:5

Ono Mwaami Lesa ndyaakabona mbuli womwi awomwi pacishi ca panshi mbwaakalinga mububi, akubica kwa miyeeyo yabo ciindi coonse,

Matalikilo 8:21

Bweema bwa mulambu bwakakondelesha Mwaami Lesa, lyalo wakalyaamboosha ayi, “Teshi nkashinganewo cishi ca panshi alimwi ceebo ca sheesho muntu nshaacita. Ndishi kwaamba ayi kuswabo kubwanike miyeeyo ya muntu njibiibi. Teshi nkanyonyoolewo shintu shiyoya shoonse mbuli mbondacita bulya.

Kulumbaisha 119:113

Ndibapatite bantu bacite myoyo yobilo, sombi nebo ndisunibo milawo yanu.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Tushimpi 22:10

Tandaanya shikucelebula, lyalo kupikishanya kulaswa. Ncakwiila kwaambana amatushi shilamana.

Tushimpi 23:7

ceebo ngumuntu uyo ubikabo maano kumweelo wa shakulya isho. Pakulya ulaamba ayi, “Kolyabo, konwabo,” sombi mumoyo kaacimitwe.

Tushimpi 24:8

Uyo upanga miyeeyo yakucita bubi, balamwiita ayi ngushishimfulunganya.

Tushimpi 29:8

Beshikucelebula balabusha shimfulunganya mundabala, sombi basongo balatontosha bukali.

Tushimpi 9:7

“Uyo woonse ululika muntu shikucelebula, ulalitukanishabo mwiine. Awooyo ukalalila mucita shibi ulalicobweshabo mwiine.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Mateyo 15:19

Mukwiinga mumoyo momuswa miyeeyo ibiibi, ya bucayi, bulale, bufuule, bwiipi, bukamboni bwakubeca alimwi abufuyishi.

Mateyo 5:28

Sombi nebo ntoomulwiita ayi uyo woonse ulangilisha mwanakashi calunkumbwa, wacita kale bulale anguwe mumoyo.

Mateyo 9:4

Sombi Jesu wakeshiba ncebakalinga kuyeeya, lyalo wakaamba ayi, “Mutooyeeyelanshi shintu shibiibi mumyoyo yanu?

Milimo ya Batumwi 8:22

Paceebo ceeco, sanduka kuswa kucibiibi ici ncootooyeeya. Senga kuMwaami kwaamba ayi mpashi inga wakulekelela.

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.