Tushimpi 24:7 - Baibo Busansulushi Bwa Libuku Ili

⁷ Ncintu ciyumu kumuluya kuba abusongo palibungano liba kumwinjililo taaku ancaawaalaawo nabi comwi.

Tushimpi 24:7 ပူးပေါင်းရင်းမြစ်များ

Jobo 31:21

“Na ndakanyamuna lyaansa lyangu kubekesha mulandu mwanaanshiwa mukwishiba kwaamba ayi inga ndamukoma munkuta,

Jobo 5:4

Bana bakwe tabacite shikubafuna, balalyatililwa munkuta ceebo taaku aubacafwa.

Kulumbaisha 10:5

Sombi balo balaswitilila mushintu shoonse. Aboobo milawo yakwe Lesa ili kulaale ambabo. Paceebo ceeco balwani babo boonse balababonabo anga ngukabwa wamucila.

Kulumbaisha 127:5

Ulicite coolwe muntu ucite mifwi iinji, ceebo teshi akakomweewo aakukumana abalwani bakwe kumwiinjililo.

Tushimpi 14:6

Shikucelebula ulalangoola busongo cakutabucanaawo, sombi bantu bacite maano akunyumfwisha shintu, balafwambaana kuba alushibo.

Tushimpi 15:24

Musongo uleenda munshila ya buumi itola kwiculu, kumukasha kweenda munshila iya panshi pamusena wa bafu.

Tushimpi 17:16

Tacicafwi muluya nabi kaacite maali akuyandoosha busongo, mukwiinga taacitewo maano akwiiya shintu.

Tushimpi 17:24

Muntu ucite maano akunyumfwisha shintu ulashinkamanabo kucita shabusongo, sombi muluya ulaya bupulumpuntabo cishi coonse.

Tushimpi 17:7

Maswi abotu taaeleli kwaamba muluya, bweenka mbuli mweendeleshi mbwaateeleli kubeca.

Tushimpi 22:22

Utanoolyatilila mukandu ceebo ulicite nkusu shakumulyatilila, nabi kupensha upengete munkuta.

Tushimpi 28:5

Bamucita shibi tabanyumfwishi koombolosha kululeme, sombi abo balemeka Mwaami Lesa balaakunyumfwisha kabotu kabotu.

Tushimpi 31:23

Ibaye ulishibikitwe abuumbi kumwinjililo wa ndabala uko nkwaaya mukwikala pakati ka bacinenenene ba mundabala.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Isaya 32:6

Ceebo muluya ulaambabo shabuluya bwakwe. Kalango kakwe kulitaatitwebo kuyeeya bubi. Uleelibalabo kucita shintu shiteshi shabulesa akumwaya lwiisho lubisha liina lya Mwaami Lesa. Bafwite nsala ulabalekabo ansala yabo. Abalo bafwite nyotwa ulabeema maanshi.

Amosi 5:10

Mulipatite bantu bapikisha koombolosha kwakunyengelela akusebaanya wooyo waamba shalushinisho munkuta.

Amosi 5:12

Mukwiinga nebo ndishi milandu yanu njemucite alimwi ndishi shibiibi shanu mboshibete kukomena. Mulalyatilila baluleme akutambula makulo akunyengelela bakandu nabi kabaluleme munkuta.

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

1 Bene Kolinto 2:14

Uyo woonse utacite Mushimu Usalashi taakoonshi kutambula shipo shiswa kuMushimu. Muntu wamushobo uyo ulayeeya ayi taaku mboshibete alimwi taakoonshi kushishiba mukwiinga taaku muntu weenga washishiba kaatacite Mushimu.