Tushimpi 24:30 - Baibo Busansulushi Bwa Libuku Ili

³⁰ Ndakeenda kumuunda wa mutolo, muunda wa minyansa wa muntu utacite maano.

Tushimpi 24:30 ပူးပေါင်းရင်းမြစ်များ

Jobo 15:17

“Kutika kuli ndime nkusansulwite mbocibete, ee, nkulwiite shintu nshindakabona ameenso angu.

Jobo 4:8

Kweelana ambondakacibona, balya bashanga bubi, balatebula bubi. Mbweeke ubo abalo bashanga mapensho, balatebula mapensho.

Jobo 5:27

“Ono ishi shoonse twakashiiya akushilangalanga kwaciindi cilaamfu. Nshalushinisho, aboobo webo Jobo ulyeelete kushitambula akushikonkela.”

Kulumbaisha 107:42

Bantu baluleme balabona shintu ishi akusangalala, sombi bamucita shibi balo baloomunabo puti.

Kulumbaisha 37:25

Kuswabo kubwanike kushika abobulya ndindacembela, nshikwe kubonaawo kale baluleme kusuulwa kuMwaami Lesa, nabi bana babo kusengelela cakulya.

Tushimpi 10:13

Muntu musongo ulaamba shintu sha maano, sombi musako ngwakukwipishako muntu muluya.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Tushimpi 6:32

Ono muntu ucita bulale taacitewo maano mukwiinga uyo ulalinyonyoolabo mwiine.

Shikushimikila 10:18

Na muntu ngumutolo, ciluli cilaakukuluka, ncakwiila na maansaakwe ngatontola, ŋanda yakwe ilaloka.

Shikushimikila 7:15

Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.