Tushimpi 24:12 - Baibo Busansulushi Bwa Libuku Ili

¹² Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Tushimpi 24:12 ပူးပေါင်းရင်းမြစ်များ

Jobo 34:11

Lesa ulalambula muntu kweelana amilimo yakwe alimwi ulacitila muntu ico cimweelete.

Kulumbaisha 121:3

Teshi akakuleeke kwaamba ayi uwe. Uyo ukulama taashinshiliiwo napaceyi.

Kulumbaisha 121:8

Mwaami Lesa ngweshi akakulaame koonse nkweshi ukaye kuswa sunu kushikila muyayaya.

Kulumbaisha 17:3

Mulishi moyo wangu mboobete ceebo mulaupensoola mashiku. Nakubi kwaamba ayi mwalangoola apa apapalya taaku cilubo ncemuncanina. Ee, mulomo wangu toobishi mukwaamba napaceyi.

Kulumbaisha 44:21

naakwiinga mwebo mwakeshiba mukwiinga mwebo mulishi miyeeyo yesu yabushishi.

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Kulumbaisha 66:9

Watulama ayi tutafwi alimwi akutufuna ayi tutakomwi.

Kulumbaisha 7:9

NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

Kulumbaisha 94:9

Lesa wakatupa matwi, sa taakoonshi kunyumfwa? Lesa wakatupa meenso, sa taakoonshi kubona?

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

Tushimpi 16:2

Muntu ulabona nshila shakwe shoonse anga shililuleme, sombi Lesa ngoombolosha miyeeyo ili mumoyo wakwe.

Tushimpi 21:2

Muntu ulabona nshila shakwe shoonse anga shililuleme, sombi nguMwaami Lesa upima miyeeyo ya mumoyo wa muntu.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Malilo 3:36

Na woomboloshekwa cakunyengelelwa, Mwaami Lesa ulabona shintu sha mushobo uyo shoonse.

Danyelo 5:23

Ncakwiila mwebo mwakalisumpula akulwana Mwaami Lesa wa kwiculu. Mwakatuma bantu kumuletela nkomeshi shakaswa muŊanda yakwe. Lyalo mwebo, bacinenenene, bamakaanu alimwi abakasuwa banu mwakanwitaamo waini akulumbaisha balesa ba silifa, ba golodi, ba bulonse, ba nshimbi, ba shisamu alimwi aba mabwe abo batakonshi kubona, kunyumfwa nabi kwishiba cintu nabi comwi. Sombi tamukwe kulemeka Lesa uyo ucite buumi bwanu mumaansaakwe pantu pomwi anshemucita.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Milimo ya Batumwi 17:28

Kweelana abwakaamba umwi muntu ayi, ‘Kwiinda muli nguwe tulicite buumi, tuleenda alimwi akuba mbuli mbotubete.’ Bweenka mbuli bwakalemba basongo bamwi bene mishaanu ayi, ‘Aswebo tuli bana bakwe.’

Bene Loma 2:16

Mbweekoobo mbweshi cikabe pabushiku Lesa ndyeshi akoomboloshe bantu kwiinda muli Jesu Klistu pasheesho nshebayeeya beene, kweelana aMakani Abotu aya ngoonshimikila.

Bene Loma 2:6

Ceebo Lesa ulaakulambula muntu woonse kweelana amilimo yakwe.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

Ciyubululo 1:18

Ndime Wooyo Muumi! Ndakalinga kufwite, sombi ndi muumi ono, alimwi ndaakunoolibo muumi lyoonsebo. Ndicite nkusu palufu alimwi amusena wa bafu.

Ciyubululo 2:18

“Mutanjilili wa kucoonde ca kuTiyatila umulembele ayi, “Aya ngamakani aamba Mwanaakwe Lesa, ucite meenso aboneka anga ngumulilo utoonyaka alimwi ashimpanta shibekabeka anga ngubulonse waswabo mukufulwa.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 22:12

Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.

1 Samwelo 25:29

Nakubi kwaamba ayi kuli utoosa cimukonkela ayi amucaaye, buumi bwanu bulaakulamwa kabotu aMwaami Lesa bweenka muntu mbwaalama cintu camakwebo. Sombi buumi bwa balwani banu ulaakubuwaala kulaale mbweeke buwaalwa libwe kucipaya cakuwaalisha mabwe.