Tushimpi 21:16 - Baibo Busansulushi Bwa Libuku Ili

¹⁶ Muntu upambuka munshila ya maano akunyumfwisha shintu, ulaakuya mukwikala pantu pomwi abafu.

Tushimpi 21:16 ပူးပေါင်းရင်းမြစ်များ

Kulumbaisha 125:5

Sombi abo bakonkela nshila shabo shitaluleme, Mwaami Lesa ulaakubatandila nkweshi kukanooli bamucita shibi. Luumuno alube pabene Isilaeli.

Kulumbaisha 49:14

Balibambitwe kuya kumusena wa bafu bweenka mbuli mbelele. Lufu ndoluya ceembela bantu abo. Baluleme balaakubeendelesha macuunsa. Mibili yabo yaakunoobola cakufwambaana mumusena wa bafu kulaale amaandaabo abotu.

Tushimpi 11:19

Muntu uyo utolelela kucita shiluleme ulaba abuumi, sombi utolelela kucita shibiibi ulaakufwa.

Tushimpi 13:20

Muntu weenda abasongo alakwe ulaba musongo, sombi shimweenda aumineme alakwe ulaminama.

Tushimpi 19:16

Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Tushimpi 2:13

Bulaakukupulusha kubantu bakaka kwikala munshila shiluleme, bantu basuni kweendela munshila sha munshinshe.

Tushimpi 5:23

Ulafwa ceebo cakukaka kululamikwa akuya kucuumbwe ceebo ca buluya bwakwe butalifulili.

Tushimpi 9:18

Sombi abo beetwa tabeshi ayi boonse baya kuŋanda yakwe balafwa. Tabeshiiwo ayi boonse bakenjilawo kale muŋanda yakwe, bali panshi mumusena wa bafu.

Esekelo 18:24

“Na muntu ululeme wacileka kucita shabululami akutalika kubisha akucita shintu shilensha bunya isho shicita bamucita shibi, sa inga waba abuumi? Sobwe, taakuuwo cintu ciluleme nabi comwi ico ncaakacita ceshi cikeebalukweewo. Ncakwiila ulaakufwa ceebo cakutashomeka kwakwe alimwi ashibiibi isho nshaakacita.

Sefaniya 1:6

Ndaakunyonyoola baabo bacileka kukonkela ndime neMwaami Lesa ee, bantu abo batanyandooli nabi kunjipusha ayi mbalwiite nshila iluleme.”

Bene Efeso 2:1

Kale kale mwebo mwakalinga kufwite mumushimu ceebo cakutanyumfwila Lesa kwanu alimwi ashibiibi shanu.

Bene Ebulu 10:38

Bantu bangu abo baluleme balaakunshoma akuba abuumi. Sombi na umwi akaboole pesule, teshi nkakoondwe muli nguwe.”

1 Joni 2:19

Bantu aba bakalinga aswebo kale kale, sombi tebakalinga bamulikoto lyesu cancinencine. Mukwiinga nebakalinga bamulikoto lyesu, naakwiinga kabacili aswebo. Sombi bakapatuka kwaamba ayi baboneke patuba ayi taaku nabi womwi pakati kabo wakalinga mulikoto lyesu cancinencine.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.