Tushimpi 20:13 - Baibo Busansulushi Bwa Libuku Ili

¹³ Na wasunisha tulo, ulaakuba mukandu. Kocabaana kumilimo, ingaawo ukabe ashakulya shiinji.

Tushimpi 20:13 ပူးပေါင်းရင်းမြစ်များ

Tushimpi 10:4

Maansa atolo alaletela bukandu, sombi maansa acabeene kumilimo alabilisha.

Tushimpi 12:11

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, mbaluya.

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Tushimpi 19:15

Butolo bulapa koonenena, ee, muntu utacabaani ulaba shinsala.

Tushimpi 20:14

Muntu pakuula cintu lyoonse ulatongooka ayi mweelo watanta. Sombi amana kuula ulaya cililumbaisha ayi woola cicipite.

Tushimpi 28:19

Mulimi ulima cankusu ulatebula shiinji, sombi abo basowa ciindi cabo kushintu shitacite ncito, ulaakuba mukandu.

Tushimpi 31:15

Ulabuka macuunsacuunsa, ulabambila bamuŋanda yakwe shakulya akupa ncito basebenshi bakwe banakashi.

Jona 1:6

Mpomunyaawo munene wa beshikweensha bwaato wakamucana umo akumwaambila ayi, “Ulilete webo? Buka usenge lucafwo kuli lesa wako! Mpashi inga watunyumfwila nkumbu ayi tutafwi.”

Bene Loma 12:11

Mutabi batolo, sombi amusebense cankusu. Amulibeenge amyoyo yoonse mukusebensela Lesa.

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

1 Bene Kolinto 15:34

Amutalike kusebensesha maano mbuli mbwaaelete alimwi mucileeke kubisha. Ceebo nkobali bateshi Lesa, ici ndacaamba kwaamba ayi mufwe nsoni.

Bene Efeso 5:14

Mukwiinga mumuni ulalengesha ayi shintu shoonse shiboneke. Nceceeco ncebaambila ayi, “Buka webo noolete, buka kuswa kubafu lyalo Klistu ulaakulengesha ayi ube mumumuni.”

2 Bene Tesalonika 3:10

Nditwakalingaanu twakalinga kumulwiita ayi, “Na muntu wakaka kusebensa, akulya mutamusuminishi.”