Tushimpi 2:6 - Baibo Busansulushi Bwa Libuku Ili

⁶ Ceebo nguMwaami Lesa upa busongo, kuli nguwe nkokuswa lushibo amaano akunyumfwisha shintu.

Tushimpi 2:6 ပူးပေါင်းရင်းမြစ်များ

1 Baami 10:24

Bamucishi coonse ca panshi bakalinga kusuni kuya mukunyumfwa busongo ubo Lesa mbwaakamupa.

1 Baami 3:12

ntoocita ico ncewasenga. Ntookupa busongo alushibo kwiinda shakabawo kale amuntu uli woonse nabi nsheshi akabaasho.

1 Baami 3:9

Aboobo amumpe busongo bwakukonsha kulela bantu banu cabululami akwishiba cibotu acibiibi. Kwabula boobo inga ndakonsha buyani kulela mushobo wa bantu banu uyu unene bobulya?”

1 Baami 4:29

Lesa wakapa Solomoni busongo, kunyumfwishisha kwa shintu shoonse alushibo luteelekwa.

1 Makani 22:12

Mwaami Lesa, Lesa wako aakupe lushibo abusongo kwaamba ayi ukalele kabotu cishi cino ca Isilaeli kweelana aMilawo yakwe.

Esila 7:25

“Ono webo Esila, mukusebensesha busongo bwakakupa Lesa wako, usale bamatanjilili aboomboloshi ayi beendeleshe bantu boonse bakwitala lya Mulonga wa Yufuletisi, abo bekala kweelana aMilawo ya Lesa wako. Ulyeelete kwiisha uyo woonse uteshi Milawo iyo.

Neyemiya 7:5

Lyalo Lesa wangu wakampa muyeeyo wakubunganya bamatanjilili, bacinenenene abantu bamwi boonse ayi balembwe kweelana abamumaandaabo. Mpeeke ndakacana makani asansulula mikowa ya baabo bakataanguna kuboolela kuswa mubusha. Ono shakalinga kulembetweemo nsheeshi:

Jobo 12:13

Nakubi boobo Lesa taacitebo busongo, sombi ankusu alimwi Lesa taacitebo maano eenka, sombi alushibo.

Jobo 12:16

Lesa ngomwine nkusu abusongo, bantu bacenjeekwa abeshikubacenjeeka bali mumaansaakwe.

Jobo 22:22

Usuminebo shitooswa kumulomo wakwe akubika maswi akwe mucaamba cako.

Jobo 32:8

Sombi ndabona ayi nguMushimu wakwe Lesa Shinkusu shoonse uyo useluka pabantu akubapa busongo.

Kulumbaisha 119:104

Ndaba abusongo kuswa mumilasho yanu. Aboobo ndipatite nshila yoonse ibiibi.

Kulumbaisha 119:34

Amumpe maano kwaamba ayi ndame milawo yanu, ee, kwaamba ayi nkeekonkele amoyo wangu woonse.

Kulumbaisha 119:98

Milawo yanu ilanengesha kuba musongo kwiinda balwani bangu mukwiinga ndayeeyabo pali njiyo lyoonse.

Kulumbaisha 19:7

Milawo ya Mwaami Lesa teecite kampenda, ilalengesha muntu kuba abuumi bupya. Shakaamba Mwaami Lesa shilashomekwa, shilalengesha batacite busongo kubaabo.

Kulumbaisha 19:8

Milasho ya Mwaami Lesa ililuleme, ee, ilalengesha moyo kusangalala. Milawo ya Mwaami Lesa ilisalalite, ilatondesha muntu buumi bubotu.

Kulumbaisha 51:6

Ndushinisho mwebo mulisuni muntu ushomeka, paceebo ceeco amunjiishe kuba musongo lyoonse.

Kulumbaisha 94:10

Ulakalalila mishobo, sa teshi akabape mulandu? Ngomufundishi wa bantu boonse, sa taacite lushibo?

Kulonga 31:3

alimwi ndamwisusha Mushimu wangu. Ndamupa lushibo, maano alimwi abusongo bwa pabuyaki buli boonse.

Tushimpi 6:23

Shitookufunda baiso, ndilampi. Shitookwiisha banyoko, ngumumuni, akwalo kululamika kwabo, ndwiiyo lwa buumi.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Isaya 54:13

“Nebo nemwiine ndaakwiisha bantu bako, kubalengesha kuswitilila alimwi akubapa luumuno.

Isaya 8:20

Mulyeelete kubakumbula ayi, “Amukutike shintu nshaamwiisha Mwaami Lesa! Mutakutiki beshikusonda. Nshebamulwiita teshi shikamucafweewo.”

Danyelo 1:17

Lesa wakabapa lushibo amaano akunyumfwisha shintu sha malembo oonse akwiiya. Kuswawaawo wakapa Danyelo maano akusansulula shili anga nshiloto alimwi ashilotobo.

Danyelo 2:21

Ulasandula nshiku ashiindi sha mumwaaka. Ulabika bantu pabwaami alimwi akubakushaawo. Ulapa busongo amaano akunyumfwisha shintu.

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Joni 6:45

Cililembetwe muMalembo akwe Lesa akalemba balaluki bakulukulu ayi, ‘Bantu boonse balaakwiishikwa aLesa.’ Uyo woonse ukutika baTa akwiiya kuli mbabo, ulesa kuli ndime.

Jemusi 1:17

Shipo shoonse shibotu shitacite kampenda shilaswabo kwiculu kuli Lesa Mulengi wa mimuni yoonse ili mwiculu. NguLesa utapilooki mbuli shimfule shilongalonga.

Jemusi 1:5

Sombi na umwi pakati kanu taacite busongo, asenge kuli Lesa uyo upa bantu boonse camaansa obilo akutatongooka, ncakwiila ulaakupekwa.