Tushimpi 2:22 - Baibo Busansulushi Bwa Libuku Ili

²² Sombi balo bamucita shibi balaakukashikwa kwikala mucishi cabo, abo batashomeki balaakukushikwa mucishi ico.

Tushimpi 2:22 ပူးပေါင်းရင်းမြစ်များ

1 Baami 14:14

Mwaami Lesa ulaakubika mwaami pabene Isilaeli uyo weshi akamanishe bamulunyungu lwakwe Jeloboamu. Ncakwiila teshi kalekale, ndyoonoonobo ndyeshi akacicite ico.

1 Makani 10:13

Saulo wakafwa mukwiinga taakalinga kushomeka kuMwaami Lesa. Taakwe kukonkela milawo ya Mwaami Lesa. Wakeelesha kucana lucafwo kwiinda mukucebusha kuwooyo waamba amishimu ya bafu

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Kulumbaisha 104:35

Bamucita shibi abanyonyoolwe mucishi ca panshi cino. Ncakwiila beshikubisha abalobe cakumaninina. Omoyo wangu lumbaisha Mwaami Lesa! Aalumbaishikwe Mwaami Lesa!

Kulumbaisha 145:20

Mwaami Lesa ulatabilila boonse abo bamusuni, sombi bamucita shibi boonse ulaakubanyonyoola.

Kulumbaisha 37:20

Sombi bamucita shibi balaakumana kufwa. Ee, balwani ba Mwaami Lesa balaakuloba anga ngamaluba a muluundu, ncakwiila balaakushimingana bweenka mbuli bwiishi.

Kulumbaisha 37:22

Ceebo abo bapetwe coolwe kuMwaami Lesa balaakupekwa cishi. Sombi abo Mwaami Lesa mbwaakashingana balaakutandwaamo.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

Kulumbaisha 52:5

Paceebo ceeco, Lesa ulaakunyonyweetabo limwi. Ulaakukucata akukukusha muŋanda yako. Ncakwiila ulaakukunonkolaamo mucishi ca boomi.

Kulumbaisha 52:7

“Amubone anooyu ono musankwa ulya utakwe kuyubila muli Lesa. Sombi lakwe wakacinka manungo mububoni bwakwe buunji, akulipa nkusu kwiinda mukunyonyoola bamwi!”

Tushimpi 10:30

Baluleme teshi bakakushikweemo mucishi, sobwe, sombi bamucita shibi balaakukushikwaamo.

Tushimpi 11:3

Kushomeka kwa baluleme kulabatanjilila, sombi abo batashomeki balanyonyoolwa ceebo ca bubeshi bwabo.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Dutolonomi 29:28

Mpeeke Mwaami wakakalala abuumbi cakwaamba ayi wakabakusha mucishi cabo akubawaala mucishi cimwi, kweelana ambomubwene bulya.’

Dutolonomi 7:22

Mwaami Lesa, Lesa wanu ulaakutanda mishobo iyo kuswa kunembo lyanu paniininiini. Teshi mukasuminishikwe kunyonyoola yoonse paciindi comwi ceebo banyama bamuluundu inga bamufulila cakumulengesha boowa.