Tushimpi 19:16 - Baibo Busansulushi Bwa Libuku Ili

¹⁶ Uyo ukonkela milawo yakwe Lesa ulalama buumi bwakwe. Sombi uyo ufutatila nshila shakwe isho, ulafwa.

Tushimpi 19:16 ပူးပေါင်းရင်းမြစ်များ

Jobo 5:2

Ncakwiila bukali bulacaya muluya, awalo munyono ulacaya bataaku mbobabete.

Kulumbaisha 103:18

Bantu abo mbobalama cipangano cakwe. Ee, abo bakonkela milawo yakwe cakushomeka.

Tushimpi 13:13

Uyo usuula milasho ulaliletelela mwiine, sombi uyo ubikila maano kumulawo ulalambulwa.

Tushimpi 15:32

Uyo ukaka kululikwa ingayi utoolisebaanyabo mwiine, sombi uyo woonse usumina kululikwa ulaakuba amaano akunyumfwisha shintu.

Tushimpi 16:17

Nshila ya baluleme ilaseesha bubi. Uyo woonse ulilama munyendelo, ulalama buumi bwakwe.

Tushimpi 21:16

Muntu upambuka munshila ya maano akunyumfwisha shintu, ulaakuya mukwikala pantu pomwi abafu.

Tushimpi 21:23

Uyo ulama mulomo amulaka wakwe ulalitabilila kumapensho.

Tushimpi 22:5

Munshila sha bamucita shibi mulipilingenebo myuumfwa atoose. Sombi uyo usuni buumi bwakwe ulekala kulaale a nshisho.

Tushimpi 29:18

Kutaaku maswi abulaluki bantu balacileka kulilemeka, sombi ulicite coolwe uyo ukonkela milawo.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Shikushimikila 8:5

Uyo woonse ukonkela milawo yakwe teshi akacane mulandu. Musongo uleshiba ciindi ceelete anshila yakucitilamo boobo.

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Esekelo 33:5

Mukwiinga wanyumfwa lupeenga ndilwalila, sombi lakwe wasuula. Ncakwiila muntu uyo walicaisha mwiine. Naanyumfwa kucenjeshekwa naakwiinga wapuluka.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Luka 10:28

Jesu wakamwaambila ayi, “Wakumbula kabotu, kocita bweenka ubo, ulaakuba abuumi butamaani.”

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Joni 14:15

“Na mulinsuni, munanoolama milawo yangu.

1 Bene Kolinto 7:19

Ceebo kupalulwa nabi kutapalulwa taaku mbocibete. Cinene nkulama milawo yakwe Lesa.

1 Joni 3:22

Alimwi Lesa ulatupa cili coonse nceenga twamusenga ceebo tulakonkela milawo yakwe akucita shimukondelesha.

1 Joni 5:3

Kusuna Lesa, nkukonkela milawo yakwe. Milawo yakwe Lesa teshi iyumu

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.