Tushimpi 18:6 - Baibo Busansulushi Bwa Libuku Ili

⁶ Maswi a muluya alamutola mumapensho. Mulomo wakwe ulamulengesha kuumwa.

Tushimpi 18:6 ပူးပေါင်းရင်းမြစ်များ

Tushimpi 12:16

Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Tushimpi 14:16

Musongo ulalemeka Mwaami Lesa akuswa kushibiibi, sombi muluya ulafwambaana kucita shintu cakubula kuyeeya.

Tushimpi 14:3

Mubandi wa muluya alamulengesha kukwiipwa musako kumusana, sombi maswi a muntu ululeme ulamutabilila.

Tushimpi 17:14

Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Tushimpi 19:19

Na muntu ngwa kamoyo kaniini muleke alibonene, ceebo wamufuna, ulaakucibooshawo.

Tushimpi 19:29

Milandu ilalindila beshikucelebula akwalo kuumwa kumisana nkwa baluya.

Tushimpi 20:3

Cilapa bulemu kumuntu kutasuna nkondo, sombi muluya ulafwambaana kutalika kwaambana.

Tushimpi 22:10

Tandaanya shikucelebula, lyalo kupikishanya kulaswa. Ncakwiila kwaambana amatushi shilamana.

Tushimpi 25:24

Ncibotu koona pansengwe kwiinda koona muŋanda yomwi amwanakashi shikutobwa.

Tushimpi 27:3

Libwe ndilemu a museese ngumukuli unene, sombi shoonse ishi inga tasheelaniiwo akukalashikwa kumuluya.

Tushimpi 29:9

Na musongo watolana kunkuta amuluya, muluya uyo ulakalookabo akucobola, aboobo takubi luumuno.