Tushimpi 17:14 - Baibo Busansulushi Bwa Libuku Ili

¹⁴ Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Tushimpi 17:14 ပူးပေါင်းရင်းမြစ်များ

2 Samwelo 19:41

Ono bene Isilaeli bakaya kumwaami Defedi akwiipusha ayi, “Ino nceebonshi bamakwabesu bene Juda ncibayeeyela ayi balicite nkusu shakumutola kumishaanu mwebo nobaami, ashakushindikila ndimwe, bamuŋanda yanu alimwi abasankwa banu boonse pakusubuka Mulonga wa Joodani?”

2 Makani 13:17

Abija abashilumamba bakwe bakacaya bashilumamba bene Isilaeli baanji, nkokwaamba ayi bakacaya bashilumamba bali 500,000 bacibwene kulwana.

2 Makani 28:6

Peka, mwaami wa bene Isilaeli, mwanaakwe Lemaliya wakacaya bashilumamba bene Juda bali 120,000 mubushiku bomwi. Wakacita boobo mukwiinga bene Juda bakafutatila Mwaami Lesa, Lesa wa bamashali babo bakulukulu.

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Tushimpi 14:29

Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 17:19

Uyo usuni bunene kwaambana ulisuni kubisha. Uyo ulisumpula ingayi utoolitambila kunyonyoolwa.

Tushimpi 19:11

Muntu ucata caamba ngumusongo, kusuula shilubo nshaacitilwa kulamuletela bulemu.

Tushimpi 20:3

Cilapa bulemu kumuntu kutasuna nkondo, sombi muluya ulafwambaana kutalika kwaambana.

Tushimpi 25:8

utafwambaani kushitola kunkuta ceebo taaku mbweenga wacita kumeelelesho na shimukobonyoko umwi wakushinina akukulensha nsoni.

Tushimpi 26:21

Bweenka makalangasha mbwaamota, nabi nkuni kuciiko mboshinyaka, mbweeke ubo amuntu shiluta mbwaasongaanya nkondo.

Tushimpi 29:22

Muntu mukali ulalengesha kwaambana, ucite kamoyo kaniini ulacita shibiibi shiinji.

Bene Loma 12:18

Na kacikonsheka mulyeelete kwikala muluumuno abantu boonse.

1 Bene Tesalonika 4:11

Muyeeyo wanu lyoonse aube wakwikala buumi bwa luumuno, kwiilibala ncootoocita akulicanina shiyandika bweenka mbotwakamulwiitawo kale.