Tushimpi 16:4 - Baibo Busansulushi Bwa Libuku Ili

⁴ Mwaami Lesa wakabamba meelelesho a shintu shoonse. Meelelesho a bamucita shibi nkunyonyoolwa.

Tushimpi 16:4 ပူးပေါင်းရင်းမြစ်များ

Matalikilo 1:31

Lesa wakabona ayi shoonse nshaakalenga nshibotu abuumbi. Lyalo kwakaba macolesha amacuunsa, ubu bwakaba mbushiku bwasanu abomwi.

Jobo 15:23

Makubi atoolindililabo kulya mutuntu wakwe, alakwe mwiine ulishi kwaamba ayi lufu lwakwe luli pafwaafwi.

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Kulonga 9:16

Sombi kwaamba ayi muboneshe nkusu shangu alimwi ayi liina lyangu linyumfwike mucishi coonse ca panshi, ndamuleka ayi munoocili boomi.

Tushimpi 16:5

Mwaami Lesa ulipatite bantu boonse balisumpula, Anu amwishibe ayi teshi akabalangilishebo cakutabapa mulandu.

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Isaya 43:21

Bantu abo ndakabalenga nemwiine amaansaangu kwaamba ayi bakanookwaambilisha bulemu bwangu.”

Isaya 43:7

Boonse mbantu bangu, ndakabalenga ayi banoompa bulemu.”

Bene Loma 11:36

Ceebo shintu shoonse nguLesa wakashilenga, ngooshibamba alimwi nshuumi ceebo ca nguwe. Kuli Lesa akube bulemu lyoonse. Ameni!

Bene Loma 9:22

Mbweeke ubo Lesa mbwaakacita. Wakalinga kusuni kubatondesha bukali bwakwe kwaamba ayi bantu beshibe nkusu shakwe. Nakubi boobo wakanyumfwila nkumbu akulekelela baabo boonse mbwaakalinga kusuni kupa mulandu, abo bakalinga kweelete kunyonyoolwa.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

2 Pita 2:9

Nkokwaamba ayi Mwaami Lesa ulishi bwakupulusha bantu baluleme kumasunko alimwi abwakulama bamucita shibi kwaamba ayi bakapekwe mulandu paBushiku bwakoomboloshekwa,

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”