Tushimpi 16:2 - Baibo Busansulushi Bwa Libuku Ili

² Muntu ulabona nshila shakwe shoonse anga shililuleme, sombi Lesa ngoombolosha miyeeyo ili mumoyo wakwe.

Tushimpi 16:2 ပူးပေါင်းရင်းမြစ်များ

Kulumbaisha 36:2

Mukwiinga balalisumpula akulibeca mumyoyo yabo ayi Lesa taakoonshi kubona shibiibi shabo akubapa mulandu.

Tushimpi 12:15

Muluya ulayeeya ayi nshaacita shililuleme, sombi musongo ulanyumfwila nshaafundwa.

Tushimpi 16:25

Kuli nshila bantu njebabona ayi ililuleme, sombi kumeelelesho ilatola kulufu.

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Tushimpi 21:2

Muntu ulabona nshila shakwe shoonse anga shililuleme, sombi nguMwaami Lesa upima miyeeyo ya mumoyo wa muntu.

Tushimpi 24:12

Na waamba ayi, “Taaku ncendakalinga kubwene,” sa uyo ubona mumyoyo ya bantu taaku nceeshi? Sa uyo ulama buumi bwako taaku ncaabwene? Sa teshi akalambule muntu kweelana amilimo yakwe?

Tushimpi 30:12

“Kuli bantu balibona ayi balisalalite, sombi tabasalaliteewo, napaceyi.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Danyelo 5:27

“TEKELI, nkwaamba ayi mwapiimwa pacakupimishaako akucanika ayi mulyuubite.

Shakubelenga 22:32

Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila.

Luka 16:15

Sombi Jesu wakabaambila ayi, “Mwebo mulalibonekesha kubantu ayi muliluleme, nakubi boobo Lesa ulishi myoyo yanu. Mukwiinga cintu coonse bantu ncibaamba ayi ncibotu abuumbi, kuli Lesa taaku ambocibete.

Ciyubululo 2:18

“Mutanjilili wa kucoonde ca kuTiyatila umulembele ayi, “Aya ngamakani aamba Mwanaakwe Lesa, ucite meenso aboneka anga ngumulilo utoonyaka alimwi ashimpanta shibekabeka anga ngubulonse waswabo mukufulwa.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Boomboloshi 17:6

Paciindi ico tekwakalingawo mwaami muIsilaeli. Aboobo muntu uli woonse wakalinga kucita kweelana ambwaasuni.

Boomboloshi 7:6

Bali 300 bakalinga kubwesa maanshi mumaansaabo akunwa mbuli kabwa. Ono boonse bacaala bakaakunamina.

1 Samwelo 16:7

Nakubi boobo Mwaami Lesa wakaambila Samwelo ayi, “Utaboni mbwaaboneka nabi ciimo, mukwiinga nebo ndamukaka kuba mwaami. Nebo neMwaami Lesa nshilangilishi muntu pashintu shilangilisha bantu. Mukwiinga bantu balabonabo pansengwe, sombi nebo neMwaami Lesa ndabona mukati, ee, mwiine mumoyo.”

1 Samwelo 2:3

Anu cileke kutumbama. Ee, maswi akulisumpula aamane. Ceebo Mwaami Lesa, nguLesa ushi shoonse, ngowoombolosha shoonse shicita bantu.