Tushimpi 15:9 - Baibo Busansulushi Bwa Libuku Ili

⁹ Mwaami Lesa ulipatite nshila sha mucita shibi, sombi ulisuni muntu ucita shintu shiluleme.

Tushimpi 15:9 ပူးပေါင်းရင်းမြစ်များ

Kulumbaisha 1:6

Ncakwiila Mwaami Lesa ulalama baluleme, sombi bamucita shibi balilulemebo mukunyonyooka.

Kulumbaisha 11:7

Ee, Mwaami Lesa uliluleme, ulisuni micito iluleme. Ncakwiila baluleme balaakumubona.

Kulumbaisha 139:24

Amubone na ndakonkela nshila shibiibi. Lyalo muntanjilile munshila yanu yamuyayaya.

Kulumbaisha 5:5

Balisumpula tabakoonshi kwiimikana pameenso anu, mukwiinga mwebo mulipatite bamucita shibi boonse.

Tushimpi 15:10

Muntu upambuka munshila iluleme ulaakupekwa mulandu unene abuumbi. Uyo ukaka kululikwa ulaakufwa.

Tushimpi 21:21

Uyo ukonkela shiluleme alimwi ucite nkumbu, ulacana buumi, bululami abulemu.

Tushimpi 21:4

Bamucita shibi baleendeshekwa amiyeeyo yabo yakulisumpula akulyuuma mucaamba.

Tushimpi 21:8

Nshila ya muntu ucite mulandu njabucenjeshi sombi micito ya muntu utacite mulandu ililuleme.

Tushimpi 4:19

Sombi nshila ya bamucita shibi ili anga ngumunshinshe ushiya mbi cakwaamba ayi tabashibi anshebaya bulisuntulaako.

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Isaya 26:7

“NoBaami baLesa mulalengesha nshila ya baluleme kubula mankununkunu. NoMululeme mulalengesha nshila sha batacite tumpenda kubula mfumpu.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Isaya 51:7

“Ono Amukutike mwebo nomwishi shiluleme, mukutike mwebo nomweenda amilawo yangu mumyoyo yanu. Mutanooloonda na bantu banoomupensha akumucobola.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Abakuku 1:13

Meenso anu alisalalite abuumbi cakunoolangabo bubi kabucitika. Tamukoonshi kusuminisha ayi shitaluleme shinoocitikabo. Ino ono ceebonshi mutokweebelabo bamucita shibi aba batashomeki? Ino ceebonshi mulyuumwitebo bamucita shibi kabanyonyoola cakumaninina bantu baluleme kwiinda mbabo?

Mateyo 7:13

“Amwinjilile pamulyango ushaankene ceebo mulyango utola mukunyonyoolwa ngunene, ayalo nshila taishuupi. Paceebo ceeco abo bainda nshila iyi mbaanji.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 2:22

Ucileeke lunkumbwa lwa mubili lwa bwanike, ukonkelebo bululami, lushomo, lusuno aluumuno pantu pomwi abaabo basenga lucafwo kuMwaami Lesa amoyo utacite kampenda.