Tushimpi 15:7 - Baibo Busansulushi Bwa Libuku Ili

⁷ Milomo ya basongo ilatola lushibo kuli koonse, sombi myoyo ya baluya teshi mboicita ubo, sobwe.

Tushimpi 15:7 ပူးပေါင်းရင်းမြစ်များ

Kulumbaisha 119:13

Ndaamba milawo yanu amulomo wangu, ee, milawo yoonse iswa kumulomo wanu.

Kulumbaisha 37:30

Mubandi wa muntu ululeme ngwa busongo alimwi lyoonse taaku ngwaanyengelela.

Kulumbaisha 45:2

Ndimwe mwiindaawo kuboneka kabotu pabasankwa bamwi boonse, awalo mulomo wanu ulaamba caluse mukwiinga Mwaami Lesa wamupa coolwe ca lyoonse alyoonse.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Tushimpi 15:6

Muŋanda ya muntu ululeme mulacanika buboni buunji, sombi bubile bwa mucita shibi bulamuletelabo mapensho.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 16:23

Musongo ulayeeya kaatana kwaamba. Nshaamba shilalengesha kusuna kukutika.

Tushimpi 5:2

Lyalo ulaakwishiba kulilemeka, alimwi maswi ako alaakunootondesha ayi ulicite lushibo.

Shikushimikila 10:2

Moyo wa musongo ulakakatila kushiluleme, sombi moyo wa muluya ulakakatila kububi.

Lwiimbo lwakwe Solomoni 4:11

Milomo yako ilicite mise anga mbuuci, onabwiinga wangu. Mulaka wako uliswitebo mukupa abuuci. Bweema bwa shakufwala shako buli anga mbweema bwa kuLebanoni.

Mateyo 10:27

Isho nshentoomulwiita mumunshinshe mukashaambe lumwi lubala, asheesho nshemunyumfwa kumapela mukashaambile pameenso a bantu.

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

Maako 16:15

Lyalo wakabaambila ayi, “Kamuya mucishi coonse, mukashimikile Makani Abotu kubantu boonse.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

2 Timoti 2:2

Maswi oonse ngowakanyumfwa kuswa kuli ndime pameenso a bakamboni baanji, ukaabike mumaansa a bantu bashomeka kwaamba ayi abalo bakeeisheko bamwi.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.