Tushimpi 15:18 - Baibo Busansulushi Bwa Libuku Ili

¹⁸ Muntu ucite kamoyo kaniini ulabusha kwaambana, sombi ushiite caamba ulaleta luumuno.

Tushimpi 15:18 ပူးပေါင်းရင်းမြစ်များ

2 Samwelo 19:43

Abalo bene Isilaeli bakakumbula bene Juda ayi, “Swebo tulicite sheebo shiinda kufula pashaanu mankanda ali likumi shakwaamba pamwaami Defedi. Ino sunu mutooyanda kutunaamininanshi? Mutalubiiko kwaamba ayi ndiswe bataanshi kuyeeya shakupilusha mwaami kuŊanda yakwe.” Nakubi boobo basankwa bene Juda bakeendaawo kukumbula cabukali.

Tushimpi 10:12

Lupato lulalengesha kwaambana, sombi lusuno lulapa kulekelela shilubo shoonse.

Tushimpi 14:29

Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Tushimpi 15:1

Kukumbula kabotu kulabombya bukali, sombi kukumbula cakucenena kulabusonkomona.

Tushimpi 15:19

Nshila ya mutolo iliswitebo mapensho, sombi nshila ya ushomeka ili anga ngumukwakwa utacite mfumpu.

Tushimpi 16:14

Bukali bwa mwaami bulatola kulufu, sombi musongo inga wakonsha kubootobeka.

Tushimpi 16:28

Muntu mubiibi ulaleta kwaambana. Kufuya kulapansaanya beshicibusa.

Tushimpi 22:24

Utapangi cibusa amuntu ucite kamoyo kaniini. Ee, utanyumfwani amuntu ufwambaana kukalala

Tushimpi 25:15

Kwiinda mukubula ncimwa mweendeleshi ulakonsha kutekeneshekwa. Ncakwiila mulaka ubombu ulakonsha kumana mapensho ali woonse.

Tushimpi 26:21

Bweenka makalangasha mbwaamota, nabi nkuni kuciiko mboshinyaka, mbweeke ubo amuntu shiluta mbwaasongaanya nkondo.

Tushimpi 28:25

Muntu mulyabi ngushikubalamuna nkondo, sombi uyo ucinkite manungo muMwaami Lesa ulaakuba acoolwe.

Tushimpi 29:22

Muntu mukali ulalengesha kwaambana, ucite kamoyo kaniini ulacita shibiibi shiinji.

Shikushimikila 10:4

Na muleli wakukalalila, utatakati mulimo wako. Mukwiinga kukalika moyo kulamana milandu inene.

Mateyo 5:9

“Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.