Tushimpi 14:8 - Baibo Busansulushi Bwa Libuku Ili

⁸ Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Tushimpi 14:8 ပူးပေါင်းရင်းမြစ်များ

Kulumbaisha 111:10

Kuloonda Mwaami Lesa ngomatalikilo a busongo. Boonse abo bakonkela milasho yakwe mbobacite lushibo lwiine lwiine. Aalumbaishikwe lyoonse alyoonse.

Kulumbaisha 119:5

Inga cambotela abuumbi kushomeka kwaamba ayi nokweenda munshila shanu.

Kulumbaisha 119:73

Ndakalengwa akubumbwa kuswa kumaansaanu. Ono amumpe maano kwaamba ayi njiye milawo yanu.

Kulumbaisha 143:8

Amuntondeshe lusuno lwanu lutamaani kulila bwaca ceebo ndicinkite manungo muli ndimwe. Muntondeshe nshila njeenjelele kutola mukwiinga ndapaila kuli ndimwe.

Tushimpi 11:18

Bamucita shibi taaku mpindu njebapekwaawo, sombi bacita shiluleme balapekwa shilambu.

Tushimpi 12:5

Miyeeyo ya baluleme ili kabotu, sombi kupanda maano kwa bamucita shibi nkwabubeshi.

Tushimpi 15:21

Buluya bulasangalasha uyo utacite maano, sombi muntu ucite maano akunyumfwisha shintu uleenda munshila iluleme.

Tushimpi 2:9

Lyalo ulaakwishiba kucita shintu shiluleme, koombolosha cakululama alimwi cakubula kasalulushi. Nkokwaamba ayi ulaakwishiba shibotu shoonse nshooelete kucita.

Tushimpi 8:20

Ndakonkela nshila shiluleme, nshipambuki munshila shakoombolosha kululeme.

Shikushimikila 2:13

Ndakabona ayi busongo mbubotu kwiinda buluya bweenka mumuni mbooli ubotu kwiinda munshinshe.

Shikushimikila 2:16

Basongo abaluya boonse teshi bakeebalukweewo kwaciindi cilaamfu. Ee, mushinku shitoosa boonse bobilo balaakulubwa. Ncakwiila muluya amusongo boonse bobilo balaakufwa.

Jelemiya 13:20

Ansha amwiinamuke mubone balwani banu batooswa kumatwa. Ino litanga ndyemwakapekwa ayi kamweembela lili kuli? Ee, shili kuli mbelele isho nshemwakalinga kutwangila?

1 Bene Kolinto 3:19

Ceebo busongo bwa buntu mbuluya mumeenso akwe Lesa. Bweenka bwaamba Malembo akwe Lesa ayi, “Lesa ulacatisha basongo mubucenjeshi bwabo.”

Bene Efeso 4:22

Paceebo ceeco, amushiye bwikaalo bwanu bukulukulu, ubo bwakalinga kumunyonyoola ceebo bwakalinga kumucenjeeka ayi mucite shintu shitaluleme.

Bene Efeso 5:17

Paceebo ceeco mutabi anga mbantu baluya, sombi amweeleshe kwishiba sheesho Mwaami Lesa nshaasuni ayi mucite.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

Jemusi 3:13

Ino ngani musongo ucite lushibo pakati kanu? Aatondeshe kwaamba ayi uli boobo mubwikaalo bwakwe bubotu amumicito iyo iswa mukuliceesha.