Tushimpi 14:18 - Baibo Busansulushi Bwa Libuku Ili

¹⁸ Baluya balapekwa shintu kweelana abuluya bwabo, sombi basongo cilambu cabo ndushibo.

Tushimpi 14:18 ပူးပေါင်းရင်းမြစ်များ

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Tushimpi 14:19

Bamucita shibi balaakufukamina bantu bali kabotu, ncakwiila babiibi balaakufukama pamilyango ya baluleme.

Tushimpi 3:35

Basongo balaakulemekwa, sombi baluya balo ulaakubalensha nsoni.

Jelemiya 16:19

Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

2 Timoti 4:8

Bulya mushini wa bululami utoonindilila uyo Mwaami Lesa, moomboloshi ululeme, ngweshi akampe pabushiku ubo. Nakubi boobo teshi ukapekwebo ndime, sombi abaabo boonse balindila kwisa kwakwe mulusuno.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

1 Pita 5:4

Ono na Mweembeshi Munene akese, mulaakutambula mushini wa bulemu uyo weshi ukabule kumana.