Tushimpi 14:11 - Baibo Busansulushi Bwa Libuku Ili

¹¹ Ŋanda ya mucita shibi ilaakunyonyoolwa, sombi ya muntu ululeme ilaakucaala moyakeemikanina.

Tushimpi 14:11 ပူးပေါင်းရင်းမြစ်များ

Jobo 15:34

Batashomi Lesa teshi bakabeewo abamulunyungu. Mulilo ulaakutenta maanda a baabo batambula makulo.

Jobo 18:21

Ono ayo ngomapensho apolela bamucita shibi. Ee, ngaapolela bantu batashomi muli Lesa.”

Jobo 21:28

Mulaamba ayi, ‘Ino ŋanda ya muntu ulemekwa ulya ili kuli? Ili kuli ŋanda mwakalinga kwikala mucita shibi?’

Jobo 8:15

Na bashimpila kutandafube balawa. Ncakwiila nabi baucatilila buyani tookoonshi kubacafwa kwiimikana.

Jobo 8:22

Sombi ulaakulensha nsoni abo bakupatite aalo maandaabo alaakumana kumwayuluka.”

Jobo 8:6

na ulashomeka alimwi ulisalalite, ncakwiila lakwe ulaakukucafwa, akukuboosha mbowakalinga pakataanshi.

Kulumbaisha 128:3

Mukaako ulaakuba anga ngumunyansa ucata bunene muŋanda yako. Bana bako basankwa balaakuba anga ninsoonseela sha maolifi kushinguluka tebulu yako.

Kulumbaisha 37:10

Cakufwambaana bamucita shibi balaakushimingana, Mulaakweelesha kubalangoola, sombi teshi mukababoneewo.

Tushimpi 11:28

Uyo woonse ucinka manungo mububile bwakwe ulawa, sombi baluleme balaswitilila anga nkusonsa kwa matewu acilimo.

Tushimpi 12:7

Bamucita shibi balanyonyoolwa cakubula kushiya bamulunyungu lwabo, sombi bamuŋanda ya muntu ululeme balaba abuumi.

Tushimpi 15:25

Mwaami Lesa ulamwayulula ŋanda ya shikulisumpula, sombi ulatabilila buboni bwa mukalubinje.

Tushimpi 21:12

Lesa ululeme uleshiba shicitika mumaanda a bamucita shibi alimwi ulaakunyonyoola bamucita shibi boonse.

Tushimpi 21:20

Mumaanda a basongo muli shakulya shibotu shiinji amafuta aanji, sombi muluya ulalita limwi shoonse nshaacite.

Tushimpi 3:33

Mwaami Lesa ulashingana ba muŋanda ya bamucita shibi sombi ulapa coolwe bamuŋanda ya baluleme.

Sekaliya 5:4

Mwaami Lesa Shinkusu shoonse waamba ayi, ‘Ndaakutuma lishingo ilyo lyeshi likenjile muŋanda ya mwiipi woonse amuŋanda ya wooyo ushomesha cakulumbila cabubeshi muliina lyangu. Lilaakunooshiite mumaandaabo kushikila likaanyonyoole cakumaninina.’ ”