Tushimpi 13:7 - Baibo Busansulushi Bwa Libuku Ili

⁷ Bamwi bantu balalibonesha kubila, sombi kabatacite nabi comwi. Bamwi balalibonesha ayi mbakandu, sombi mbobacite buboni buunji abuumbi.

Tushimpi 13:7 ပူးပေါင်းရင်းမြစ်များ

Tushimpi 11:24

Bamwi mbeshi kwaaba, nakubi boobo balabila. Bamwi mbakokonyo, nakubi boobo tababiliiwo.

Tushimpi 12:9

Ncibotu kuba muntubo ulicanina cakulya kwiinda mukulisebensela kwiinda kulibika peculu akufwa nsala.

Tushimpi 13:11

Maali acanwa mukutashomeka alamana bwangu, bubile bwakututukila buleenda, sombi ucana maali paniini paniini, alafula.

Tushimpi 13:8

Mubile ulalubula buumi bwakwe kububoni bwakwe. Sombi mukandu taaku muntu ukonga buumi bwakwe.

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Luka 12:21

Mpeeke Jesu pakumanisha wakaamba ayi, “Mbweeke ubo mbocibete kubaabo balilundikila buboni, sombi tababiliteewo kuli Lesa.”

Luka 12:33

Amuulishe buboni mbomucite, maali mupe bapengete. Amulilangweete mpotomona shitabooli alimwi amubike buboni bwanu kwiculu nkweshi bukabule kuceya mukwiinga taaku beepi beenga bashikaako atubambala tatukoonshi kubunyonyoola.

1 Bene Kolinto 4:8

Sa nkokwaamba ayi mwaba kale ashintu shoonse shiyandika? Sa mwabila kale? Sa mwaba baami swebo katutana? Necabota nemwalinga baami cancinencine, naakwiinga tweendelesha pantu pomwi.

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

2 Bene Kolinto 6:10

Tulaboneka anga tulyuungumene, sombi tulakondwa lyoonse. Tulaboneka anga mbakandu, sombi tulalengesha bantu baanji kubila. Tulaboneka anga taaku ncetucite, sombi shintu shoonse shili mumaanseesu.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.

2 Pita 2:19

Balashomesha babyaabo lwaanguluko, sombi balo beene mbasha ba shintu shinyonyoola buumi. Mukwiinga muntu ulaba musha wa cintu cili coonse camukoma.

Ciyubululo 2:9

Utokwaamba ayi, ‘Mapensho ako ndyeeshi alimwi ndishi kwaamba ayi uli mukandu, nakubi boobo uli mubile. Ndishi shoonse shibiibi nshebakubekesha bantu abo balibanda ayi mbaJuda kabateshi mbabo, sombi mbamulikoto lyakwe Satana.

Ciyubululo 3:17

Webo ulaamba ayi, Ndimubile, ndicite buboni buunji, taaku nceentacite. Sombi tooshi kwaamba ayi ulipengete alimwi ulalensha ankuumbu! Uli mukandu, moofu alimwi uli matakosha.