Tushimpi 13:21 - Baibo Busansulushi Bwa Libuku Ili

²¹ Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Tushimpi 13:21 ပူးပေါင်းရင်းမြစ်များ

Matalikilo 4:7

Necalinga cakwaamba ayi wacita cintu ciluleme naakwiinga walinga kusangalete. Ono ceebo cakwaamba ayi wacita citaluleme, cibiibi citookupensha mumoyo. Citooyanda kwaamba ayi cikweendeleshe sombi ulyeelete kucikoma.”

Kulumbaisha 140:11

Abo babekesha bamwi mutabaleeki ayi banoocikala mucishi. Bubi abukanyonyoole bantu bakali.

Kulumbaisha 32:10

Bantu babiibi balyeelete kupenga, sombi abo bacinkite manungo muMwaami Lesa balaakunoofunwa ceebo ca lusuno lwakwe lutamaani.

Kulumbaisha 54:5

NobaLesa bubi abuboolele baabo batooncaya liina. Amubanyonyoole kwiinda mukushomeka kwanu.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Tushimpi 13:13

Uyo usuula milasho ulaliletelela mwiine, sombi uyo ubikila maano kumulawo ulalambulwa.

Tushimpi 17:13

Na muntu wapilusha cibiibi pacintu cibotu, kubisha teshi kukamanewo muŋanda yakwe.

Tushimpi 24:16

Muntu ululeme nabi awe mankanda osanwe aobilo, ulabuka alimwi. Sombi balo bamucita shibi balawita limwi ceebo ca mapensho.

Isaya 47:11

Ono mapensho alaakwisa pali ndiwe alimwi bwaanga bwako teshi bukaamaneewo. Ncakwiila shinkunka shilaakukulokela cakwaamba ayi kulaakubula weshi akakulubuleeko. Malwesa ayo webo ngootana kubonaawo alaakukupolela cakutaeengashila.

Esekelo 7:5

“Mwaami Lesa Shinkusu shoonse waamba ayi, ‘Mapensho, ee, mapensho atoosa ayo atana kunyumfwikaawo kale.

Shakubelenga 32:23

Sombi na mubule kucita kweelana ambomwashomesha, ntoomucenjeshaako ayi mulaakubisha kuMwaami Lesa. Ncakwiila nabi kukabe buyani mulaakupekwa mulandu ceebo cakubisha kwanu uko.

Milimo ya Batumwi 28:4

Bantu abo ndibakabona nsoka keeleleela kulyaansa lyakwe Paulo, bakalyaamboosha beene abeene ayi, “Musankwa uyu ncakwiila ngumucayi. Nakubi kwaamba ayi wapuluka palweenge, sombi lesa wiitwa ayi Bululami taasuni kwaamba ayi abe abuumi.”