Tushimpi 13:11 - Baibo Busansulushi Bwa Libuku Ili

¹¹ Maali acanwa mukutashomeka alamana bwangu, bubile bwakututukila buleenda, sombi ucana maali paniini paniini, alafula.

Tushimpi 13:11 ပူးပေါင်းရင်းမြစ်များ

Jobo 20:15

Lyalo ulaakuluka bubile mbwaakamina. Lesa ngweshi akalengeshe ayi aluke bubile ubo mbwaakeepa.

Kulumbaisha 128:2

Ulaakulya shisepo isho nshaasebensela. Ulaakupekwa coolwe amilimo yakwe ilaakuswitilila.

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Tushimpi 13:12

Cilacisisha moyo na koolangila kapongo kafwite, sombi ncewalinga kulangila cacitika, kulangila kwako kulaba anga ncisamu cipa buumi.

Tushimpi 20:21

Buboni bwampyani bubweswa cakufwambaana, pesule bulaba lishingo kuwooyo wabubwesa.

Tushimpi 21:6

Buboni bwakucanina munshila yakutashomeka bulafwambaana kushimingana, sombi tabuciti boobo kabutana kukutola mukoose ka lufu.

Tushimpi 28:20

Muntu ushomeka ulaakupekwa coolwe cinene abuumbi, sombi uyo usuni kubila cakufwambaana, ulaakupekwa mulandu.

Tushimpi 28:22

Muntu mwiinyu ulisunibo kubila cakufwambaana, sombi teeshi kwaamba ayi bukandu bulibo muliimfwa.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Shikushimikila 5:14

nabi buboni bunyonyooka kwiinda mukubula coolwe, cakwaamba ayi na ulicite mwaana musankwa, wabula ancaacaasha ayi apyane.

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.