Tushimpi 11:4 - Baibo Busansulushi Bwa Libuku Ili

⁴ Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 11:4 ပူးပေါင်းရင်းမြစ်များ

Matalikilo 7:1

Mwaami Lesa wakaambila Nowa ayi, “Njila mubwaato abamuŋanda yako boonse. Ndacana kwaamba ayi pabantu boonse mucishi ca panshi ndiwe ucitabo shiluleme.

Jobo 20:28

Ŋanda yakwe ilaakutolekwa amukuuku wa maanshi aanji pabushiku bwa bukali bwakwe Lesa.

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Tushimpi 12:28

Bululami ninshila itola kubuumi, sombi bubi ninshila itola kulufu.

Tushimpi 6:34

Busuba bulasonkomona bukali bwa ibaye, aboobo taafwiwo nkumbu pakuboosha cishole.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Luka 12:20

Sombi Lesa wakamwaambila ayi, ‘Webo omuluya! Sunu lyeenka mashiku utoofwa. Ino shintu shoonse ishi nshiwakalinga kubamba kushika cecino ciindi shitooba shakwe ni?’ ”

Bene Loma 5:17

Ndushinisho kwaamba ayi lufu lwakatalika kweendelesha bantu ceebo ca muntu womwi wakabisha. Sombi cakacita Jesu Klistu, muntu womwibo, cileendaawo nkusu paceeco cakacitika ceebo cakubisha kwa muntu womwi. Aboobo bantu boonse batambula shoolwe shakwe Lesa acipo ca bululami, balaakuba abuumi bwakukoma kwiinda muli Jesu Klistu.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.