Tushimpi 11:31 - Baibo Busansulushi Bwa Libuku Ili

³¹ Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Tushimpi 11:31 ပူးပေါင်းရင်းမြစ်များ

2 Samwelo 22:21

“Mwaami Lesa wanambula ceebo ndacita shiluleme. Wampa coolwe mukwiinga nshicite mulandu.

2 Samwelo 22:25

Mwaami Lesa wanambula kweelana akululama kwangu. Ncakwiila kweelana akubula mulandu kwangu pameenso akwe.

1 Baami 13:24

Lyalo mulaluki uyo wakanyamuka akuya. Munshila wakakumana ankalamu iyo yakamucaya. Mubili wakwe wakalinga kukungubete munshila. Mbongolo yakwe ankalamu shakalinga kwiimfwi pafwaafwi amubili.

Tushimpi 12:1

Muntu usuni kululikwa, ingayi ulisuni lushibo, sombi uyo utasuni kululikwa, ingayi ngumuluya.

Tushimpi 13:21

Mapensho alakonkela bamucita shibi ciindi coonse, sombi kuswitilila ncilambu cipekwa baluleme.

Tushimpi 26:10

Unjisha ncito muluya nabi shikwiinda, uli anga ngumuntu ucita ciyaseyase amifwi yakwe.

Isaya 13:11

Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Jelemiya 25:29

Amubone ntooyanda kutalika kuleta mapensho pandabala iyo iitwa liina lyangu. Sa ncakwiila mutooyeeya ayi nkamulekebo kutamupa mulandu? Sobwe, teshi nkamulangebo kwakutamupa mulandu ceebo ndaakuleta nkondo pali boonse abo bekala mucishi ca panshi. Nebo neMwaami Lesa Shinkusu shoonse ndaamba.’

Esekelo 44:10

Mpeeke Mwaami Lesa Shinkusu shoonse wakandwiita ayi, “Bene Lefi abene Isilaeli abo bakamfutatila kuya mukulambila shibumbwabumbwa ntoobapa mulandu.

Osiya 4:9

Ono bweenka mbweshi nkape milandu bantu abo panshila shabo amicito yabo, mbweeke ubo amwebo nobapailishi mbweshi mukacitwe pabubi bwanu.