Tushimpi 10:4 - Baibo Busansulushi Bwa Libuku Ili

⁴ Maansa atolo alaletela bukandu, sombi maansa acabeene kumilimo alabilisha.

Tushimpi 10:4 ပူးပေါင်းရင်းမြစ်များ

Matalikilo 26:32

Pabushiku ubo basebenshi bakesa balwiita Isaki shamukalo ngobakakaba. Bakaamba ayi, “Twaacana maanshi.”

Tushimpi 10:5

Mwaana utebula shishango shakwe cilimo, ngumusongo, sombi uyo woona ciindi cakutebula ulalensha nsoni.

Tushimpi 11:24

Bamwi mbeshi kwaaba, nakubi boobo balabila. Bamwi mbakokonyo, nakubi boobo tababiliiwo.

Tushimpi 12:24

Maansa a muntu usebensa cankusu alalela, sombi butolo bulapa muntu kufubwa.

Tushimpi 12:27

Muntu mutolo teshi akacane nshaasuni, sombi muntu usebensa cankusu ulacana buboni buunji.

Tushimpi 13:4

Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.

Tushimpi 18:9

Muntu mutolo kuncito, ulyeelenebo amuntu shikunyonyoola shintu.

Tushimpi 19:15

Butolo bulapa koonenena, ee, muntu utacabaani ulaba shinsala.

Tushimpi 19:24

Bamwi bantu mbatolo cakufwa, cakwaamba ayi balaalilwa akulilisha.

Tushimpi 20:13

Na wasunisha tulo, ulaakuba mukandu. Kocabaana kumilimo, ingaawo ukabe ashakulya shiinji.

Tushimpi 20:4

Mutolo taashangi muunda wakwe paciindi ceelete. Ono pakutebula taaku ancaatebulaamo.

Tushimpi 21:5

Miyeeyo ya muntu usebensa cankusu ilamulengesha kuswitilila, sombi abo bacita shintu cakwiingana baleelabo mubukandu.

Shikushimikila 10:18

Na muntu ngumutolo, ciluli cilaakukuluka, ncakwiila na maansaakwe ngatontola, ŋanda yakwe ilaloka.

Joni 6:27

Mutanoosebensela cakulya cimana, sombi amusebensele cakulya cikalilila kushikila kubuumi butamaani. Ico ncecakulya MwanaaMuntu nceshi akamupe mukwiinga baTa baLesa mpobakabika cishibilo cakusuminisha kwabo.”

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.